من كام سنة كنت باتفرج على برنامج للأطفال اسمه من سيربح البونبون، البنت ال حلمي كان مستضيفها لما سألها نفسك تطلعي ايه لما تكبري قالت له دكتورة واسمي" رجاء" زي دكتورة الصيدلية.
الحقيقة انا بقى لي فترة بحلم لما اكبر ابقى مي يحي دياب أو
"مي يحي حسام" زي ما بتخطر ف بالي، ..مين مي ! ماعرفش..
لكن ف يوم وليلة لقيتني مشدودة لكلامها عن حبيبها" جوزها"، ال شاددني درجة الحب ال بحلم بيها، وبحلم بتحقيقها، وبحلم ببراحها ..ربنا يديمها عليهم نعمة ويحفظها من الزوال.. فبقيت بادعي ربنا يرزقني عقل وحكمة ورحمة وقلب وقبل ده كله حنية "مي"
أمهاتنا كلهم بيعملوا كده مع بآبائنا "أزواجهم" من غير قوالة، الفرق بينهم وبين مي انها قالت من بدري ف قدرت تعلمنا ال نفسنا يحصل
مي ببساطة بتحكي النصايح ال اهالينا هينصحوها لنا قبل الفرح بكام يوم بشكل تقريري، بتحكي النصايح ال هتتقال لنا لو لاقدر الله حصل لنا حبة مشاكل واحنا لسة بنتخبط ف الاول، بتحكي النصايح بشكل تطبيقي
مي حلوة اوي، انا ماعرفش حسام زي ماانا بردو ماعرفش مي بس واثقة ان اكيد فيه حاجات لله عشان ربنا يرزقه بمي
ربنا يارب يملا قلبها و قلبه فرحة ويديم عليهم الود
قبل القراءة: قولوا : بسم الله ماشاء الله
ضميري مارضيش يخليني امشي من غير ما الطش من عندها صورة
😍
