لما حصلت الأزمة بتاعة فرنسا السنة اللي فاتت وقررنا اننا نقاطع المنتجات الفرنسية غضبا على سبابهم النبي وتضييقهم على المسلمين وما الى ذلك، ترتب على ده حصول خساير كويسة ليهم ممكن ملاحظتها ببساطة من خلال القاء نظرة على العروض الكبيرة بخصومات خزعبلية بس عشان يجروا رجل الناس ف يرجعوا تاني يشتروا منتجاتهم وده لو دل هيدل على حجم الخسارة اللي خسروها ساعتها والناس فضلوا مستمرين في ده فترة كبيرة حتى ان مثلا لحد رمضان بعض المنتجات اللي ضرورية في قوائم مشتريات الشهر عند معظم الناس كانت تخلو من كل ما هو فرنسي للسبب ذاته اذن الموضوع استمر واي خروج عنه كان للخطأ مش للاستهتار وافتكر اني في مرة في سوبر ماركت كلمتني مندوبة من شركة من الشركات اللي بنقاطع منتجاتها ف قلت لها اني بدور على كذا "البديل العربي" ف سألتني عن السبب ف قلت لها لان المنتج فرنسي ف قالت لي على ان احد البدائل اللي كنت ممكن اضطر اليها بردو_انه ما ينفعش لانه لازم نقاطعه وهو بالمناسبة واحد من المنتجات اللي هنزلها في القائمة الجاية _ في محاولة منها انها تخليني احس ان كله زي بعضه واختار المنتج الفرنسي اللي هي بتسوق له وحاولت تكلمني في نقطة ان فرع لمصنع في مصر فاتح بيوت مصريين كتير ف كنت محرجة منها وف نفس الوقت مش هغير رأيي ف قلت لها اني عارفة ان بيكون صعب على الواحد انه يلاقي شغل ف اي مكان واني عارفة انها لو تلاقي فرصة في مكان تاني هتشتغل فيه فأكدت لي على ده فعلا وابتديت ادعي لها بالتوفيق ليها ولينا في الاخر سألتني هتاخدي ايه قلت لها اسم المنتج العربي
مش معنى ان فيه مصريين شغالين في المخدرات اننا نجربها او ندمن عليها ولا ان فيه مصريين بيشتغلوا في السلاح اننا نشتريها ولا معنى ان فيه مصريين بيشتغلوا في تصنيع الكولّة اننا نشمها، ربنا يارب يوسع على الجميع ويرزق الكل دخل حلال بس لو في ايدك وسيلة دفاع او تأييد او حماية ما تستخسرهاش وتسوق لعواطف بديلة يعني زي ما كان الأولى بالنصرة الرسول على أي حد ف أرواح الناس في فلسطين أولى من جيوب الباقي .. الأموال اللي بتصب في اقتصاد اسرائيل ملايين منها بتتحط في صفقات سلاح بيتقتل بيها فسطينيين وبيجوع بيها فلسطينيين وبيتشرد بيها فلسطينيين وبيخاف بيها فلسطينيين ف تخيل ان تمن الوجبة اللي بتشتريها بيروح منه جزء يبقى تمن رصاصة أو قنبلة أو قذيفة بيتقتل بيها طفل او بتتقتل بيها انسانيته او طفولته
عشان لو حسيت ان دورك بسيط وانك عاجز قدام الواجب وحسيت انك مش عارف ولا قادر يكون لك دور يشعرك ولو بجزء بسيط بالرضا عن نفسك ، ف رفاهيتك وغذائك وردائك هيشهد يوم القيامة انك مافرطتش وانك كان لك دور وانك ما استهونتش وانك تحريت أبسط الحاجات عشان تدافع وتحوش وتمنع الرصاص والقتل وكأنك صديت عنهم من بيتك ضربة كان ممكن تتضرب في صدر اي حد منهم
ودي قائمة قابلة للتجديد للمنتجات والشركات اللي هنقاطعها
* لعلها المُنجية *
البوست ده هحطه كوبي وهسيب رابط ليه لحفظ مصدره في الآخر
=
أولا .. الشركات المتعاونة مع الجيش:
- شركة HP (شغالة مع جيشهم)
- شركة Dell (شغالة مع جيشهم .. شكرا
- موتورولا (شغالة مع جيشهم)
- ميكروسوفت (عندها شركة بتعمل تكنولوجي التعرف على الوجوه عشان تميز العرب اللي عايشين في الداخل المحتل)
- بنك HSBC (شريك و بيقدم قروض لشركات بتسلحهم)
- كاتاربيلار (المورد الرئيسي للبلدوزرات اللي بيهدوا بيها البيوت و المزارع)
=
ثانيا .. الشركات اللي جنسيتها اىىىراىىلية
- ابليكيشن Any.do .. ممكن تستخدم بداله ticktick
ملحوظة : تيك تيك .. مش تيك توك .
- موقع Babylon للترجمة
- موقع eToro
- موقع Shopping
- موقع Wix com لإنشاء المواقع
- موقع Paynoeer للتداول المالي ..
- موقع Monday com ..
- أبليكيشن 365scores ..
- موقع Fiverr ==> للأسف ناس كتير شغالة عليه و ماتعرفش إنه بتاعهم
- موقع elementor لإنشاء المواقع
ده غير موقع elmentor العربي بتاع الكورسات.. ده مافيهوش مشاكل
-شركة ZIM ..خط ملاحي للشحن .. وكيلهم في مصر اسمه EgyMar (شكرا Mohamed Soltan)
- لعبة Match Master ..
- لعبة Coin Master ..
- موقع SimilarWeb .
ثالثا .. الشركات اللي بتدعم الإقتصاد بشكل كبير .. أو بتدعم الإىىىتىيطان
- شركة Nestle بكل منتجاتها (نيدو - سيريلاك - كيت كات - نسكافيه - coffee mate - ماجي - آيسكريم موفنبيك - نيسكويك - آيسكريم نستله - مياه نستله - شوكولاته كواليتي ستريت)
عندهم 9 مصانع هناك و اشتروا Osem .. واحدة من أكبر شركات الأغذية .. و عندها 14 مصنع .. و كمان اشتروا شركات تانية
- كوكاكولا ( عندها مصانع في مىىىتوطىات و واخدين جوايز من الحكومة عشان بتدعمهم)
-شويبس (بتاع كوكاكولا)
- فيكتوريا سيكريت (عندهم مصنع في المىىىتوطىات)
- نوكيا (داعم كبير لشركاتهم و بيستثمر فلوس كتير هناك)
- شركة L'OREAL (في التسعينات تمت معاقبتهم عشان شاركوا في مقاطعة اىىىراىىل .. و من ساعتها و هما بيعملوا كل حاجة عشان يثبتوا العكس .. لدرجة إن النتن إداهم جايزة لدعم اقتصادهم)
- شركة دانون (مش بس فرنسيين .. دول كمان واخدين جايزة من رئيس وزراءهم النتن ياهو عشان بيدعموا اقتصادهم)
- شركة Intel (للأسف شبه مستحيل مقاطعتهم .. لكن عالأقل نكون عارفين إنهم من أنشط الشركات في دعم إسرائيل)
عندهم فروع كتير جدا هناك و بيستثمروا في ال startups بتاعتهم بشكل كبير
=
رابعا .. الشركات اللي واجهتها ص&ىونية أو بتقدم دعم رمزي لهم
- بوما (الراعي الرسمي لإتحاد كرة القدم بتاعهم)
- شركة Garnier لمنتجات التجميل .. وزعت هدايا على الجنود بتوعهم بعد آخر حرب مع غز*
- شركة Lavazza للقهوة .. من رعاة نادي أرسنال .. قالت إنها كلمت النادي بخصوص البوست بتاع النني لدعم فلسطين .. لأنه ضد قيم و مبادئ الشركة
- شركة Timberlands للأحذية
مديرهم و واجهة الشركة ص&ىونى متشدد .. لكن الشركة نفسها مالهاش علاقة باىىىراىىل
- مكدونالدز
كاتب على موقعه في بلدهم إنه بيقدم وجبات مجانية بإستمرار لجمعية المحاربين القدامى
- مواقع Booking , Airbnb , Expedia , Tripadvisor
بيدعموا الإىىىتيطان عن طريق إضافة الفنادق و الشقق المبنية على أراضي مغتصبة للموقع
=
خامسا.. لوحة الشرف.. الشركات العربية المطبعة معاهم
لو تعرف شركة منهم و عندك دليل.. ابعتلي
شركة Swiss Arabian الإماراتية.. (بتبيع عطورها هناك عليهم علم الإمارات و علمهم)..
ليست هناك تعليقات:
إرسال تعليق