(حضن)

 لما حد يصحى في وسط رحلته و يعرف انك بتحبه ده بيغذيه هو بيشعره بالراحة والسعادة والطمأنينة وكل الاحاسيس المفاجأة الطيبة لكن بتفضل انت ف مكانك محلك سر ما بيديلكش المشاعر دي غير انك تاخد فرصتك في انك تعيش الحب ده، تعبر بالحب تتكلم بالحب وتخطط بالحب وتنفذ بالحب، تخاف بالحب وتسكُن بالحب ده.. انا كانت أعتى أزماتي ان عمري يفوت من غير ما احسس حد اني بحبه وانا عارفة قد ايه انا مخلصة في ده وكل واحد بيكون عارف نفسه كويس وده الشيء الوحيد اللي مش بس باعرف اعمله ده انا كمان ممكن آخد فيه رقم قياسي وميدالية من دهب الجنة كمان ومن اول جولة 
لما (حصل اللي حصل ) واللي حصل حصل بسرعة اوي أسرع من اني اخد بالي انه هيحصل، اتفاجئت بيه تماما لا قبله شيء ولا حتى بعده، حصل وخلاص اتفاجئت وابتديت افكر بمنطق اللي في مكاني لكن بافكار تانية خالص اكتشفت اني كنت عايشة فرصتي كاملة في الحب عيشته بالكامل عبرت عنه ياما وحسيته كله احساس يشعرني بالامتلاء يشعرني اني بخير وان مش خايفة لا المنسوب يقل احساس يخليني ما اذكرش المواقف اللي وقف فيها جنبي كآخر المواقف زي كل الأبناء، عمل لي وعمل لي وعمل لي لأ.. عملنا وروحنا وجينا وسوينا وجبنا ولفينا وشوفنا وقولنا وحكينا .. لما بيقولوا لي انت شبعتي منه بقول لأ ماحدش بيشبع من حد بيحبه ماحدش بيشبع من المياه ف يوقف شربها لآخر حياته .. انا بس عندي منسوب ذكريات أكبر شويات عملته لنفسي في حتة موازية بالحب بس والله ماعملتهوش بأي شيئ تاني وبنيت فيه بيت وسكنته فيه ومااهملتهوش ولا فرطت فيه ف البيت لسه زي ماهو جوايا مادخلهوش شر.. ف الحمد لله على الفرص، والحمد لله ان اللي خدته "الحب" ماحرمتش بيه حد من حاجة بالعكس كان قائم على خدمة الكل لآخر ذكرى 
يمكن أكتر شيء في العالم بارجوه من كل قلبي ان كل الناس اللي ليهم آباء يبنوا معاهم أبراج من الحب مش بس بيوت جوه قلوبهم عشان الآباء بجد يستاهلوا انهم يتحبوا 

لو تذروني الرياح

 لا أعلم إن كانت أحلامي صغرت إلى ذلك الحجم الذي لم أعد أراها بعده، أم انها ذهبت لمكان أبعد من مد ناظري، حين أتذكر أحلامي أرى طريقا ضيقة ضبابية عليها بوابة حديدية مفتوحة، ومهما امتدت الساعات بي لايذوب الضباب، ولا تتكشف الرؤية، أكاد أبصر الخلاء خلفه لولا أنني لا أجزم فقط، أفكر في أن العالم لو انفضَّ من حولي لن أشتاق إليه أو أرجو عودته، ولو بيدي الأمر لأوقعت كل ما أملك بين الكوى الضيقة في كل طريق، أفكر في أن الفلس الحقيقي هو فلس المشاعر ومادمت أوشكت على الإفلاس فلا ثروة ستغنيني، أو حتى تنتشلني من وحدتي داخل نفسي.. أتمنى حقا لو تذروني الرياح فأستريح!

13:9:2021