لما قررت أحبني جدا

                                 

اتفضل

الحكاية وما فيها اني قررت ان كل قراراتي اراجع نفسي فيها  بإني ما احكمش عليها بالتنفيذ  حتى لو ده الصح  ف بعد شوية  هلاقي فرص احسن كل ل ممكن اعمله هو ان ال ييجي ف دماغي اعمله ف اي وقت وخلاص  ومش فارقة بعد كده المهم انك ما تتحرمش من حقك  وحريتك 

ودلوقتي هعرض من ال صور ال عملتها فوتوشوب دي  :)

القمر حبيبي جدا 

لما هعمل فيلسوفة

                       لما هعمل فيلسوفة

هشرب من البحر مش عشان ماليش حق في النيل ولًا  عشان هعاند حد كان أقوى

 علشان لما اتعلم العوم هغرق ف أما أشرب أستمتع بآخر جبر

هلبس بكعب عالي عشان اما أقع ومالاقيش ال يسندني ألبس فلات وأنا بقنع نفسي بالاقتناع 

هشرب شاي سخن جدا وأما لساني هيتحرق هخرج كل السخونة من عيوني بأعلى صوت

هلعب بيس واخسر وأنا فرحانة علشان مش عارفة لون فالنة الفريق ال بلعب بيه ولا اتجاه الشبكة فين

هاكل أكل الشارع  وأنا واثقة إن التسمم ما بيجيش غير للجبنا 

هبص للمرايا ال مش مفهوم سببها وأنا ف محلات عصير القصب  وأول ما أشوفني هضحك أوي ومش هبص قدامي على شكل البياع ورايا وهو مستعجب إنه لقى حد قابل نفسه ف المرايا وعرفها بسهولة أو قدر يفتكر ملامحة 

هكتر من حرف ال (هاء) ف أوائل كل تصرفات الناس وأنا باتكلم عنها 

       وبدل ما أقول عمل هتكون  أكيد هعمل 

             هكرهم زي ماانا وهيباتيا مش راح أموت

     هضحك كتير لجل القمر وأما يغيب أنا هشتمه 

وهنادي بأعلي أصواتي لسرب الطير هفضح طفولتي فوسطهم قاصدة

هكتب العامية بالعامية مش فصحى ....لما هعمل فيلسوفة

وقبل كله

هبقى فاطمة ... فاطمة بس

إن بعض الوَحشة شوق

تشتاق لكل ما مضى لا تدري ان كان حنينا لزمان مضى وإن كان لم يمض عليه من الوقت ما يجعل منه زمانًا ربما هي لهفة للاستمرار عندًا أو حنين لعند كان مستمر  أو حنين للحنين في السفر واللهفة على من غاب حتى وإن كان حقيقة أمره  أنه لم يمض لمرة واحدة حضور حتى ليقال عنه غاب ....وبعد أن غاب حضر بغيابه  بالحنين اليه فحل محله الذي لم يفعل من أجله ما كان واجبًا أن يُفعل ليس من شهداء الثورة ولم يحقق ثورة بقلبي لكن قلبي أنا من ثار وأطاح بقدميه لكن كان كل شئ في توقيتات ليست مواعيد الفعلة لدى باقي الناس ...تميز في صمت 
الأهم أن للعناد شوق وللاشتياق شوق وللهفة شوق  ولدموع الحزن شوق وللتجاهل شوق ولفرحة الاعتراف الذي لم يصدق شوق  ولقبلة فرحة الحروف الأولى بخط يدي شوق ولثورتي في بالغيرة شوق ولغيرتي رفض جعلني أقول أنها وحشة
                و ليست كل الوحشة شوق