الغي شهورا واحتفظ ب أغسطس
بما ان 3_أغسطس هو ذات نفسه عيد ميلادي ف قررت أحكي
(1)
وانا صغنطط كنت فاكر ان الفيل والزرافة اختصار كل الاجناس ف العالم، اراجل والولد والمذكر فيل، والست وابنت والانثى زرافة وكان لازم اوزع رسوم افيال وزرافات ف الجوابات ال بحب اسيبها مع الناس، كل حسب نوعه لذلك يعني ف الافيال والزرافات بيحبوا بعض وبيتجوزوا وعندهم اولاد افيال وزرافات وده السبب في الشهرة الواسعة ليهم تحديدا في جنينة الحيوانات
(2)
كنت بحاول من فترة اكون أجرأ واخد الريسك وانشر الحلم اياه، ال مخبياه بحذر جوه الكنز، لكن لسه حاجة جوايا بتقول لي ان يوما ما هنقعد على كنبة وفاردين رجلينا جنب بعض وهنقعد نقرأ سوا الحاجات دي ونوصف شعورنا ساعتها كان ازاي بمنتهى الراحة
وساعتها الموضوع هيبقى له قيمة أكبر ويمكن نبقى نفهم الناس كل الألغاز العظيمة ، او نسيبهم يحاولوا يتلقوا النصوص كقطع أدبية مش ذهبية محفوظة ف الكنز
(3)
ف العام الماضي حققت حلم من احلامي وهو اني البس فستان منفوش
وقد كان
ليست هناك تعليقات:
إرسال تعليق