🍒كرز🍒

لما كنا صغيرين كانت أبلة نجاح تقف في الطابور اول يوم في أي شهر هجري  وتخلينا نردد وراها 

"اللهم أهله علينا بالأمن والإيمان والسلامة والاسلام هلال رشد وخير ربي وربك الله

_(اللهم بارك لنا في رجب وشعبان وبلغنا رمضان ) _

كل عام وانتم بخير

من الحاجات الجميلة اننا بنلحق الشهور الطيبة دي في فصل الشتاء ف الصيام هيكون أسهل وأقصر والعبادات مع الصيام هتكون أقل مشقة وربنا يقدر الجميع 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ريم بنا من ايام وهي ف بالي، للأسف وانا طفلة ماكنتش من هواة سبيس تون لاني عرفت عن القناة اصلا وانا ف اعدادي  ف بالتالي ما سمعتلهاش حاجة كنت ب اشوف من كام دقيقة فيديو من الجزيرة عنها، و افتكرت اني من كام سنة سعيت اني اشتري حاجة من متجاتها ال بالتطريز لكن للأسف معرفتي وشغفي بأعملها كان متأخر كتير، بلكونتها ال كلها ورد وتراس بيتها ال كله خضار مع خشب ونور رباني كانوا بيحسسوني بالطمأنينة وكأنه مكان أحب أودع فيه حياتي ..  ف اي لحظة يعني مش الوقت ال هكون فيه قالبة الساعة الرملية  ومش عارفة اي حبة رمل فيهم هتكون الاخيرة..وبعدين قالوا انها كانت حالتها المادية أصعب لان ما فيش دخل ف لجأت للتطريز وساعتها خطرت في بالي خاطرة باني لو كنت أسرعت بالشرا كنت هبقى حاسة بنوع من العرفان ولقيتني بفكر في اني  المفروض اعرف انا بجيب ايه من مين واسعى في اني أولوياتي تكون دعم ال عندهم  اي معاناة بكده هكون سبب في انجاح خططهم وهبقى بساعدهم قلت ده وانا اصلا ماليش نفس  اتحرك من مكاني بس ده ممكن يكون مشجع جدا بالنسبة لي   ..انا عارفة ان اي حد هيسخط ويفكر في ان فيه مليار طريقة للمساعدة غير اننا نشتري حاجات مطرزة او بمعنى أصح منتج بسيط او واحد .. اه ده حقيقي بس قصاد المليار فيه خمسين الف وسيلة لمساعدة معنوية جنب المادية  والمعنوية أهم وانجاح الخطط والسعي مهم جدا على كل الأصعدة والصعيد الانساني في حياتي له أهمية طبعا مش بفكر في كل المنتجات ال اصحابها شركاتهم كبيرة لان غالبا منتجاتهم بتكون أساسية أكتر ف انا مش في غنى عنها انما في المشاريع البسيطة ال بيعملها اي حد وبردو هكون محتاجة لها والنية هتكون مساعدة مش مجرد حاجة زيادة يعني انا محتاجة المنتج ده ف هشتريه بنية اضافية وهي اني اساعد انسان في انتشار منتجه أيا كان هو ايه  وف انجاح مشروعه .. المبلغ الصغنطوط مني جنب المبالغ الصغنطوطة من ناس تانية غيري هيحدثوا تغيير في حياة الصانع او التاجر او صاحب اي نصيب من أي مشروع وهيديهم دفعة للاستمرار و ده جوايا انا هيثريني انسانيا وهيخليني مشحونة طاقة ان كل حياتي ليها معنى ومؤثرة في حياوات الناس وكمان هيملاني شعور بان ان شاء الله الناس دي مش هتغرق عشان انا كنت القشاية ال اتعلقوا بيها.. 

وهنا افتكرت النوايا في العبادات وفي الحياة ككل ، فكل نية طيبة بتسبق عمل ايا كان هو ايه بتثري من قيمة العمل ده وربنا يصرف عنا شرور النوايا والأفعال 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

🎉

بعد ساعات هتكون ذكرى ميلاد ست الحلوين مدونتي ف كل عام وهي بخير بقى 

شو ها اللطافة هاي !

كنت في الحديقة حين مرت صحبة الطيور البيضاء على بعد متر واحد وطافت فوق رأسي، حينها صرت أسعد  كدت أقفز عاليا من فرط الانبهار،  وشعرت أن معنًى جميلًا أصابني أو أصبته، أخبرت أصدقائي أن ما فعلته الطيور كفاني لأسعد هذا اليوم .. وانا أسير خروجا من هذه الساحة نظرت نحو الطوافين من الطيور وجدتهم  قد تفرقوا و كأنما جائوا فقط ليتوجونا انا وصديقي الصغير الذي كنت أحمله حينها أميرًا وأميرة .