طباخة مش شيف

 ده لو هوصف نفسي لما باطبخ حاجة، سبحانه لما يريد بالجمال،   أقدم مطعم بتاع شاورما في حلوان كنا فيه آخر مرة بقوا يقولوا لي أن اللي بأعمالها احلى ومظبوطة أكتر 

من سنتين كنت حاطة في التودو ليست بتاعتي إني اتعلم الطبخ المصري الأصيل من ايد ماما حيث الطعامة والنظافة مرة واحدة و ماما من اشطر الناس في المطبخ بشهادة قرايبنا كلهم وطبيخها بيتاكل ماشاء الله لآخر فتفوتة 

المهم اني كنت محظوظة في الاوائل في أن الاكل كان بيطلع حلو لوحده وصفتين تلاتة بعملهم بيطلعوا مظبوطين لحد ما اتحمست ومافيش حاجة إلا وبقيت اجربها وعشان الحمد لله محظوظة ف ربنا كان بيعدلها من عنده.. وهكذا دواليك سعادتك وبفكر افتح ميني مطعم اعمل فيه حبة الحاجات وانافس بيهم الشيف بوراك الله يسعده

حاجات من البسيطة

 جدتي كان اسمها بسيطة، وكانت أبسط من البساطة والحمد لله خدت منها الصفة دي وبقت الحاجات على بساطتها بتبسطني

يعني مثلا 

بفرح اوي لما اجيب حاجة جديدة زي الشبشب الزهري اللي عليه كريزات حُمر وحمرمر 

 بفرح اوي لما بشوف مشاهدات المدونة وخصوصا الردود

بفرح اوي لما اعرف احقق معادلة المقاطعة من غير حرمان وافضل محافظة على خطتي في المقاطعة بدون خستعة واحدة

بفرح اوي لما اجيب حاجة لحد جاب سيرتها قدامي

بفرح اوي  لما اعمل حاجة من الحاجات اللي بقرر اعملها فجأة

بفرح اوي لما افضل فاكرة حاجة لأن ذاكرتي في المريخ

بفرح اوي لما بحس اني محبوبة 

بفرح اوي لما حد يقول لي انه بيدعي لي

 وبفرح جدا لما حد يقول لي اني شبه بنات عيلته

آيات

 { وَنَادَىٰ نُوحٌ رَّبَّهُ فَقَالَ رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ وَأَنتَ أَحْكَمُ الْحَاكِمِينَ }

 { قَالَ يَا نُوحُ إِنَّهُ لَيْسَ مِنْ أَهْلِكَ ۖ إِنَّهُ عَمَلٌ غَيْرُ صَالِحٍ ۖ فَلَا تَسْأَلْنِ مَا لَيْسَ لَكَ بِهِ عِلْمٌ ۖ إِنِّي أَعِظُكَ أَن تَكُونَ مِنَ الْجَاهِلِينَ } 

{ قَالَ رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ ۖ وَإِلَّا تَغْفِرْ لِي وَتَرْحَمْنِي أَكُن مِّنَ الْخَاسِرِين  }

[ سورة هود : 45 إلى 47 ]

..ربنا سبحانه و تعالى بيوقف سيدنا نوح وهو أحد المرسلين المصطفين عن أنه يدعي لأقرب ما عنده لابنه وبيصرح له بحقيقته ف انت ياللي مش نبي ولا مرسل بتتعب نفسك ليه ما دورك انتهى عند النصح 

.

ممكن احط نقطة لنفسي هنا وانصحها بالالتفات لنفسها والله أعلم 

انا لاهصلح الكون ولا سفينتي هتعرف تاخد العالم كله

من هدي القرآن

 

الأية دي بتنبهني  بالتزامن مع اللي بيحصل في غزة وخذلاننا ليهم 

حرف الواو هنا فيه إمهال ربنا لسيدنا ابراهيم لحد ما تثبت نيته وده يرجعني لنقطة أن معظم أن ما كانش كل الانبياء كان ليهم ابتلاء في أحد المقربين 

ما يفتح الله للناس من رحمة فلا ممسك لها اللهم افتح لي ابواب رحمتك

الآية دي انا شايفها فيها شرح لصفة الدعاء كيف تدعو الله ليقبل الدعاء، وكيفية رفع اليدين تحديدا إلى الله

الايات اللي تخص المنافقين بتحرك مخاوفي ، 

كنت قرأت أن قصة سيدنا يوسف مالهاش وجود إلا في سورة يوسف بس وده دليل أنه لأ

حرف الفاء هنا فيها سرعة الاستجابة 

اللهم اجعلني من ت الصالحين واجعل لي ودا

الاضلال والهداية بينهم تضاد أحدهما لله والآخر للشيطان إلا أن الله ترك الفاعلين لإبليس لأنه لن يهدي إلا إلى عذاب السعير 

النجوم جميعا، والجبال جميعا و الشجر جميعا و الدواب جميعا وكثير من الناس.. مش الناس جميعا

اللهم اهدني للطيب من القول والعمل واهدني إلى صراط الحميد

إن الذي فرض عليك القرآن لرادك إلى معاد

                        أءله مع الله!..لا إله إلا الله 

                   ومن لم يجعل الله له نور فما له من نور 

وحشتيني

 امبارح الست اللي بتساعدنا في المكتب وهي ست كبيرة قالت لي وحشتيني، سألتها ما جاتش ليه الاسبوع اللي فات اتفلتت في العياط زي طفل صغير وحكت لي قد ايه كانت تعبانة 

طبطبت عليها وعرفنا نهديها انا وزميلتي بس حسيت بأثر في نفسي، من ارتياحها ليا سواء بالافتقاد أو بالشكوى  وهو افتقاد حقيقي ماعليهوش غبار زيف ولو بسيط ..

لو فيه حاجة حلوة عملتها، هي علاقتي الجميلة و العميقة الحمد لله بكل العمال اللي اتعاملت معاهم واللي اكتشفت أنه كان من طفولتي في المدرسة كمان مش بس على كبر

ف الحمد لله رب العالمين 

غزة الحبيبة

يقول النبي ﷺ: المؤمن للمؤمن كالبنيان يشد بعضه بعضًا وشبك بين أصابعه

 ويقول ﷺ: من كان في حاجة أخيه كان الله في حاجته 

ويقول ﷺ: والله في عون العبد ما كان العبد في عون أخيه

أقف أمام ذنوبي التي يسترها الله وانا أسأل لماذا وهبني الله الوقت، لماذا لم يقذفني في النار، ويقبض روحي على معصيته!

أستغفره واتوب إليه فأشعر بلذة الرجوع إليه فأفهم لم أمهلني

أقف أمام خذلاني لهم، لهن، لأهلنا في غزة، واتسائل لماذا يمهلنا الله

لا أظن أن الله يمهلنا لنشاهد فقط، أو نتكلم فقط، فالكل يعلم

الله يمهلنا الوقت لنعمل،  لنمد أيدينا، لنشهر سيوفنا لنقطع صمتنا

نحن الاكثر حظا، والأشد نحسا من بين الأمم

ابتُلينا بالسلام، لتصبح منحتنا هي محنتنا

فاللهم إنا نبرأ إليك من ضعفنا وخرسنا، وخسراننا، اللهم أمهلنا لستعملنا 

اللهم لا تستبدلنا

 

بابا

 

يرحل ابي كل مساء، كل منام على وجه التحديد، أبكي نائمة، وأسأل الله أن يعود، أن تعود له عافيته، احتضنه بين يديّ وكأنه وليدي، أسأل نفسي كيف سأستقبل خبرا كهذا، كيف سأبدأ رحلتي في الفراق من جديد، كيف سأتألم شوقا للحديث معه من جديد، من سأهبه حناني، ومن سيهبني معطف العطف المطلق للأبد

أبكي كل منام وانا أتوسل لله، للقدر أن يمنحنا فرصاً جديدة، لنعاود الحياة، لنستعيد تلك المعجزة التي وهِبناها من جديد. أُسر في أذن الكون أسرارا، منها أننا سنعاود الحياة ونمرر محنتنا هذه كالكرة بين أقدامنا، وأننا سنحتفل بعودته بالحلوى مباغتين بالاحتفالات  الخوف.. ذاك الوحش الجارح البغيض الذي يعشش فوق بوابة قلبي كل ليلة، وأنني سأكتفي به للأبد، أحب الآباء، كل الآباء..حبا فيه، وأحترمهم لأجله.

                 صورتها له في اخر يوم خرجنا فيه سوا