النهارده كنت بحاول اخفف عن حد مضغوط وفضلت اهزر و اتكلم واحاول اهون عليه بالكلام وماعرفتش
فكان الناتج اني ضغطي وطي من كتر ما انا مضغوطة وزعلانة عشانه
قعدت افكر اشتري حاجة من الموالح برتقان او يوسفي بدل الشيبس و المخلل والحاجات اللي بترفع الضغط بس بتتعب الجسم وبعدين دخلت السوق اروق عليه " اللي زعلان" بأكتر فاكهة بيحبها ف الشاب اللي اشتريت منه راح قاسم من نفسه يوستفندياية بيننا
عمري ما مديت ايدي اقبل حاجة من بياع، او حد مش دافعة تمنها ..دايما باشكرهم وخلاص
بجد كأني مصدقت
سبحان الله جات في وقتها جدا خصوصا اني كنت ابتديت انسى تماما موضوع اليوسفي اللي كنت عايزة الحق بيه نفسي ده
"(ف الحمد لله على ارزاقه الواسعة و الحمد لله انه فاكرنا حتى واحنا ناسيين نفسنا)"
ليست هناك تعليقات:
إرسال تعليق