فكرت كتير في الدنيا، فكرت كتير في نفسي، ووقفت تفكير في الدنيا، و قفت تفكير في نفسي.. واكتشفت ان فيه فرق
فرق كبير اوي،
انا اللي بتحاول تبطل تفكير اروق من انا اللي شاغلة نفسها بكل حاجة، الموضوع شبه الشد العضلي او الشد النفسي، كأنك بتتحول لقط مذعور مستني اي حركة عشان يهاجمك، متوتر، متحفز، عضلاتك مشدودة و كتافك واقفة، وهب تفوق من كتر التعب ف تكتشف ان على ايه كل ده واحنا اصلا طاقة استيعابنا محدودة، وفيه اله يراعي الكون كله، ومهما حاولنا مش هنقدر يبقى لنا اثر اكبر من اللي هيسمح لنا بيه ربنا، فناخدها ببساطة، نفرد ضهرنا وننزل كتافنا، و نرخي عضلاتنا و نحاول نركز في اللي ظاهر لنا مش اللي مستخبي، نحاول نجرب حاجات جديدة بلا هدف ولا نوايا حذرة، لمجرد الانشغال بس عن التفكير لتحقيق هدف عظيم مستخبي في حكمة ما يفهمهاش ولا يقدرها الا حد كبير و بيفهم بحس كمان ان الحركة في اي صورة كانت، زي انك تحرك مخك، تفكيرك مش بس جسمك، نوع من انواع الحكمة دي اللي مش اي حد هيعرفها ولا هيفهمها، ولا هيعرف يقدرها
فاطمة رجب عزام
١٤-١-٢٠٢٦
