المرأة التي قتلها الخذلان

 

المرأة التي قتلها الخذلان
استيقظت اليوم على نبأ تلك المرأة التي اتفقت مع اكبر ابناءها على انتحارجماعي تخليصيا لارواحهم المثقلة حيث اشتراكا
بقتل اطفالها الخمسة ثم قتلها ثم قتل نفسه، الا ان الحظ لم يسعف اكبر ابناءها" القاتل" ليقتل نفسه، فينجو بخطته ف تم القبض عليه ليعترف بالخطة و الجريمة بالكامل
اما عن اسباب ما حدث ف كان السبب انها مريضة بأشد الأمراض فتكا والذي يعني الموت بعد رحلة عذاب اكيدة ستستنزفها ماديا و صحيا ومعنويا
وبالسؤال عن زوجها قيل انه سافر وترك زوجته وأبنائه الستة دون سؤال
في البداية رحمهم الله جميعا
ورحمني معهم
انا من اكره الانتحار ككرهي للاكتئاب
أشفق عليهم ..
ودعني اسأل نفسي امامك اسئلة قد تفيدك قبل الحكم باجرامها،

١_ الست دي لو جوزها كان جنبها او هي جنبه كانت هتفكر تنتحر ؟
الاجابة يجوز و الله اعلم
لكن لو فكرت كان هيصبرها، هيقدر يفكر لها في ١٠٠حل يعينوها تحس انها مش لوحدها
٢_الست دي لو جوزها كان جنبها او هي جنبه كانت هتفكر تقتل اولادها ؟
الاجابة لأ والله أعلم
لأن على الأقل كانت هتتطمن ان فيه حد هيقف جنب اولادها بعد وفاتها
٣_الست دي في كامل قواها العقلية؟
الاجابة وارد والله أعلم
لكن في اللحظة اللي بدأت تفكر و تنفذ اكيد وصلت لمراحل لايمكن وصفها من الجنون سواء قبل، أثنــاء، وبعد التنفيذ
٤_الست دي مذنبة؟
ربنا عفو غفور ربنا يرحمها ويغفر لها ويصبرها من هنا ليوم القيامة
٥_الراجل ده مذنب؟
مافيش راجل في الدنيا مذنب عشان ده يعني اللي يبقى المذنب
وربنا يرحمنا مرة كمان و يرحمهم ويكنهم فسيح جناته

 

الحرب 🆚 الحب 3️⃣

 من أول الحرب وانا بعيط مقفولة من الدنيا، حزينة وخايفة، و بحاول طول الوقت ما افكرش في موضوع الزعل ولا الحزن على أمل إني اتطمن أو ابقى بخير أو كويسة لما اتطمن على كل الدنيا كلها و الناس كلهم إنهم بخير وبعاد جداً عن كل الهم ده  وللأسف مش في ايدي الوسيلة دي .. ساعات باتمنى لو معايا مايكروفون انادي بيه على الناس كلها حول العالم 

- فلان

= افندم

و اتطمن إن ماحدش غايب ولا خايف ولا حزين ولا قلقان، وننام كلنا سعداء أنا كويسة وهم كويسين

 الفكرة إن الحاجات اللي كلها تكسير و انفجارات و تدمير دي كلها كانت بتطلع لي في كوابيسي، العالم  وهو بيتطربق على دماغ الناس بره شباكي فيتكسر الشباك مليون حتة مش مهم بس الحمد لله كنا بنطلع منها انا و حبيبي رغم الخوف بأمان ..ف دلوقتي ورغم إنها كوابيس كانت ولا تزال مزعجة ينفع الواحد يرجو لو تحصل بحذافيرها والناس تطلع منها بردو بأمان .. ربنا يحفظ كل حبايبي وينجيهم ويردهم لبلادهم و لاحبابهم  سالمين يا رب 

وينهي الحرب بنصر عاجل غير آجل ويكفينا شر اعدائنا ..اللهم آمين 

واحد بيحب

 النهارده شوفت واحد بيحب واحدة

قد يبدو لك مش حدث عزيزي الحبِّيب بس احنا في الدنيا دي " مجتمع البنات تحديدا" بنعتبر ده حدث لان لو قلت شوفت واحدة بتحب واحد طب ما كل واحدة مختارة جوزها بتحبه، كل واحدة بيعاملها واحد بتحبه برحمة ولطف و جدعنه وصدق بتحبه ..واصلا الحب ده اكتشاف انثوي 

ماظنش ان فيه واحدة مابتعرفش تحب!!

لكن شوفت ملامح امتنان، و ارتياح و انبساط على وش واحد بتكلمه مراته، من غير كلام، ولا محاولات ابهار ولا تمثيل انبهار ، ولا صوت ولا اي حاجة ..وشه قال كل حاجة.. ابتسامته قالت كل حاجة 

ربنا يحفظه لها ويحفظها له و يجعل كل ذريتهم سليمة معافاة من كل سوء