يالا بينا تعالو - من فيلم : الكيت كات - (المشهد الأخير)

كل سنة وانت طيبة

امبارح كان عيد ميلاد طاقة النور اللي ربنا أكرمني بيها سنة 2014 ، عمو مارك _الله يحفظه_ جه عندها ومابعتليش اشعار بعيد ميلادها ، انا صحيح اتفرست وقررت ادور على الاكونت بتاعه واعمل ابلاغ عنه .. بس انا بردو اللي غلطانة 
طب ما اللي يحب حد اول حاجة بيبص عليها في الخباثة بتكون بياناته ومنها تاريخ ميلاده .. قوم بقى عقلي الراسي يقول لضميري الناسي ايه ، اصلها مش بالعمر ولا بالسنين 
عندك مثلا طاقة النور دي د/ايمان الدواخلي جواها البنوتة الغنططة اللي مقابلتها في اول مرة ماكانتش الا في مكان مايتشافش فيه الا حد بتحبه " الجنينة"

وفضل عقلي الراسي يقول لي : بصي يا ستي عارفة تورتة عيد ميلادك اللي مليانة شمع منور دي الناس من بعيد في الضلمة ما بيشفوهاش لكن نقط النوربتلضم في بعضها و بتفضل توسع توسع لحد ما تعمل نقطة نور كبيرة قوي تبان  على وشك ف يصبح قمر ع الأرض 

كل سنة وانت دنيا حلوة  <3 
يارب ، اعدلها " السنة دي هتكون اجمل من اللي فات " 
ربنا يجبر بخاطرك 

"فاطمة رجب" تبدع بقصيدة "مولاك" بمهرجان شعر العامية

حسبي الله ونعم الوكيل \اللهم اكفينيهم بماشئت

تهتف الزميلة من بعيد بخبرها الديني كعادتنا بعد الصلاة هو ان  الذنوب جميعا يغفرها الله ماعدا الظلم لانسان فلن يغفرها الله حتى يعفو المظلوم ، تسود حالة من الصمت ثم نبدا في مناقشة حول نفس السؤال 
ماذا لو لم يصفح .. اؤكد ان ردي حينها سيصبح اعنف من الاسائة ذاتها
 .. بينما قلبي موقن بانني لم ارضى عن نفسي منذ ذلك الحين الذي قررت فيه دفع الاذى عن نفسي حتى ولو برده ..منذ ذلك الحين وانا موقنة من انني ظالمة في حق انسانيتي او طبيعتي اما في نظر العالم ف انا امارس حقي
قبل اعوام قال استاذ لزميلة لي لفظة \ انت وحشة\ ف بكت ربما انتقد الجميع بكائها ماعدا انا فهمتها .. اليوم اتخيلني الن امام نفسي في مواجهة صادقة واقييم نفسي بلفظة \وحشة\ فما يكون مني سوى ان تغرورق عيناي بالدموع واحاول الانصراف كن لا جرس يدق وان دق فلا فرص للتحسين 

أحن لهن

حبة الأنانية وشوية الدوران في فلك نفسي وحب الذات والأنا 

بيقولوا لي : أكتب تدوينة زي دي 

مدونتي _هي أكتر عقلية _بحبها وبحترمها"

واحدة من اجمل المدوِّنات_ البنات_ قالت قبل كده انها كانت متضايقة جدا ان حبيبها مش بيهتم بمدونتها ، انه مش بيتابعها وبيهتم يقرأها أول باول وببساطة حقها ،مين يعني أولى واحد بقراءة افكارها وانفعالاتها !
الحق يتقال ببقى متضايقة وانا بدي لحد رابط المدونة يشوفها لانها ببساطة أغلى من اني أدلل عليها وأغلى من انها تبقى اسبيشيال لحد لان فعلا مافيش حد ممكن يبقى اسبيشيال عندي لذلك ده بيكون في اضيق الحدود
وده طبعا يتعارض جدا مع كونها منشورة للعامة اصلا وان مشاهداتها مثلا يوميا بتبقى متنطورة في انحاء الكرة الارضية #بقينا_عالميين واني كمان باعمل شير لكل  تدوينة جديدة 

المشكلة الحقيقية بقى اني في بعض الاوقات بفكر ان مع الوقت هيبقى التدوين كفكرة وطريقة شئ كده يشبه " الراديو الترانزيستور " كان مرحلة وراحت لحالها .. يومها يجوز اكون نسيت باس وورد المدونة و يمكن ساعتها يبقى في تقنيات تانية غير الانتر نت و اولادنا يشوفوا النت ده حاجة سمعوا عنها من غير مايشوفوها زي الملاليم بالظبط بالنسبة لنا  
يمكن ساعتها نترحم على المدونات وعلى الشغف بكل حاجتنا ونضحك على بوست زي ده فيه كمية الحب والحنين لجماد لمجرد بس ان فيه مايشبه روحنا او حبة الفضفضة المزوقة اللي تصلح للنشر أو شوية البلطجة على كل حدود السرية  
|  " خلاصة القول : يمكن شوية الشغف بالمدونة فرقوا معايا جدا الفترة اللي فاتت ادبيا  بمساعدة واحدة ست " من الجنة "مابتحبش امنشنها عشان الحب الحقيقي " تراحم له جلاله اللي يفوق حدود المنشن والتاج ولخبطات سلوك النت و اشارات الواي فاي وغيره من الكلاكيع الفاضية دي  "
الفترة اللي فاتت شوية الشغف ساعدوني  وقصاد ده بقى في حاجة اسمها  #ايمان بنفسي 
شكرا للثقة 

















 #المحلسة_ماراتخبزالحياةعندنهرايتاجي_المحاكمة  "  كتب لاسماء هتخرج لاول مرة للنور عن طريق الست دي 
" المحلسة، اضحكي ،ديكولتيه، آذان السندباد ،زنجبيلك ،..." جزء من روايتها 
السنة دي :من نصيب #المحلسة  #معرض_الكتاب2015 

#د_إيمان_الدواخلي مش هستأذنك في الهاشتاج " ربنا ينور طريقك "

لـقـــــاء

أحيك نصا من معجمي ،لأقنع نفسي بانني قادرة على الحديث وان جرأتي لا خلل بها ، أكرر النص كممثل جديد ،اتخيل ردوده واتصرف في ردود على ردوده ليستمر الحديث 
النص الحواري قد يتضمن شيئا من استراحة ملؤ صفعة أو ربما مايسمح بلفظ خارج عن حدود الاحترام لن يصبح سوى "سُبة" وصف بحيوان لكن لن أشبهه بتمساح او سلحفاة ، النص يخفي الكثير من الحقائق كذلك يختبئ خلفه كثير من الحنين ، ذلك الباترون الذي قصصت تحته الموقف كان يشف شيئا من الانهزام
نعم لقد سقطت في بئر من الدبابيس المزعجة محفور على أسنتها المدببة اسمه ، اصبع الطبشور ابتل من عينيّ ،يسيل فوق النص كلبن مسكوب "لا تبك على اللبن المسكوب" لذلك أقطع النص و أبدر قصاصاته في مدونة أحن لها ،ربما أنبتت فأهدتني نصا آخر ولكن بلا مقص

الاحلام الشتوية

النهاردة راسي كانت مليانة افكار ، الطريق فاضي من الناس ومليان بالطين ، أطراف صوابعي وردي .. الناس صحيح مغروسة في الطين بس مليانين شقاوة ومعافرة وكاننا بنلعب اكروبات علشان المية ماتطيرش علينا وتيجي في الاخر عربية تضيع كل اللي تعبنا فيه .. الرجالة كانوا بيتصرفوا في حدود المتاح عمو ابو جاكيت منفوش وسع خطوته وعدى بركة المية بحرفية بهلوان في السرك اما  البنات برغم تقل وزنهم - احم احم يعني- كانوا بيعدوا مابين العربيات والحيطان 

الشارع المدووش بصوت عيال المدارس كل يوم كان مبلول ومحتاس بس بيضحك والشجر كان مبسوط بريحة التراب المبلول  والناس كانت حلوة وبتفكروبتبتكر

في قلوب البنات كل البنات بتتزرع زهور مابيرويهاش الا الشتا 

حاجات من الجنة حتى جهنم اللي في قلوب بعض الناس  ما بتطفيهاش الا مية المطر 

                                     \ يارب \ 

الرسومات العبقرية دي رسوماتي 

#صبرني_يا_صبر

نفسي يبقى عندي بطريق ، كل ما بقول لحد الكلام ده بيتهمني بالمعيلة واني بهزر ، ايه العيب في اني اقف ف نص الأوضة وسط زمايلي اللي كلهم اكبر مني باكتر من 20 سنة واشرح لهم البطريق بيمشي ازاي :)  المهم ماعملتش كده ، هو انا لو حضنت البطريق هيزفلط ؟

"

لما حد بيحبطني ضغطي بينزل وبالتالي بهزق اللي خلفوه مش عشان ضغطي نزل لكن عشان ضغطي نزل ومش حاسة بعمل ايه  ، الموضوع كان صعب لحد من سنة ومن سنة قررت مش ههزق حد ، بس كمان مش هدي لحد فرصة يحبطني ف بقيت ساعات اسمع وافضل اسمع واسمع ومهما يحاول ياخد رأي أقول له : مش ده رأيك خلاص ، يقول لي :طب غيريهولي أرد واقول له مش هيفرق معايا تغير وجه نظرك فيا 

للعلم الرد ده بيفرس بردو 
من فترة قرأت ان ممكن لما تلاقي حد بيحاول يضايقك تربع ايديك وتحط رجل على رجل والشكل الغريب ده بيقفل مجالك وماحدش يعرف ينقل سلبيته ليك ، انا مش متأكده من صحة المسأله لكن ممكن يكون بس اللي بيقول كده عايز يوصل معلومة ان الموضوع سهل ومش محتاج فيلم عشان تتحكم في نفسك وف تأثير اللي حواليك عليك 

بالمناسبة :انا مش عارفة كلمة "تهزيق " بتبقى بالهمزة ولا بالقاف 

ماشي الناس اللي هيمنعوني احلم بالبطريق ، واللي هيمنعوني اوصل المعلومة اللي جوايا هم ناس محبطين جدا 
مش هيدخلوا مجالي بالصبر ، 

أما بالنسبة للي ما بيفهموش أصلا ، فهدعي لهم  على أمل يبقوا بيفهموا 
رسالة موجهة للمطر و الحاجات الحلوات 

هوليه الناس بتتأخر في الفهم ، البنات ليهم طرق ملتوية صح لكن الناس في الاحلام كانت بتفهمها وهي طايرة هل ده عشان الحلم بيبقى طالع من دماغنا رايح لنا ف التصورات والامنيات بتتجسد ولا ايه 

انا ممكن اكون زهقانة من حاجات كتيرة ، خايفة اكون بزهق الحاجات مني ، يارب لما الدنيا تزهق مني خليني اسيبها بسرعة 

وبلاها الحاجات اللي نفسي فيها 

عايزة : أعلم الناس تصحيح لغوي ، اسافر الهند والسويد ، أحسِن اللغة التركية والانجليزية عندي نفسي حلم الطبري يتحقق من كام يوم كان في حوار على اذاعة القرآن عن كتاب الطبري ، ممكن تبقى علامة يامارد

#صبرني_يارب
بالمناسبة البوست ده حلواضغط هنا 
 ابقو اخطبوا الخطوبة حلوة :) 
#بقى_لي_كتير_بكتب_عامية
| على هامش الرغي ال ليه معنى
 هو الشاعر  أيمن مسعود ما بيعملش ورش لتعليم الالقاء؟
سمعته بيقول الحلزونة  
قصيدة الحلزونة

ديوان الفصحى، المجموعة القصصية ، الرواية

مسابقة المواهب الأدبية لعام 2014 دورة الروائي 

بهاء طاهر بالمجلس الأعلى للثقافة



وافق الأستاذ الدكتور محمد عفيفي الأمين العام 

للمجلس الأعلى للثقافة على انطلاقة مسابقة 

المواهب الأدبية التي تنظمها الإدارة العامة 

للشئون 

الأدبية بالمجلس الأعلى للثقافة الدورة الثالثة دورة 

الروائي بهاء طاهر، وصرح الكاتب الروائي خليل 

الجيزاوي المشرف العام علي المسابقة أنها 

موجهة للأدباء والشعراء الموهوبين من الأجيال 

الجديدة للاشتراك بمسابقة المواهب الأدبية لعام 

2014 في المجالات الآتية:

1ـ الرواية 2ـ المجموعة القصصية 3ـ ديوان شعر 

الفصحى، وذلك وفق الشروط الآتية:


أولا: ألا يزيد سن المتسابق عن 35 خمسة 

وثلاثين 

عامًا من واقع بطاقة الرقم القومي عند التقدم 

للمسابقة.


ثانيًا: أن يكتب المُتسابق عمله الأدبي باللغة 

العربية الفصحى في حدود 70 سبعين صفحة 

فلوسكاب A4

وبخط Simplified Arabic فونت 14، وأن يكون 

العمل 

الأدبي مُراجعًا لغويًا ونحويًا.


ثالثًًا: ألا يكون العمل الأدبي قد فاز بأية جائزة 

مصرية 

أو عربية أو فاز المتسابق بمسابقة المواهب من قبل.

رابعًا: أن يكتب المٌتسابق سيرته الذاتية متضمنة: 

اسمه وتاريخ ميلاده وبياناته الشخصية وأعماله 

الأدبية المنشورة من قبل محددة بمكان وزمان 

النشر، وكذلك الجوائز الأدبية التي حصل عليها في 

ورقة منفصلة.

خامسًا: ألا يكتب المٌتسابق اسمه أو أية بيانات 

شخصية بالصفحات الداخلية للعمل الأدبي المقدم 

للمسابقة.


سادسًا: أن يقدم المُتسابق صورة شخصية حديثة، 

وكذلك صورة من بطاقة الرقم القومي علي 

الوجهين.

سابعًا: أن يقدم المُتسابق عمله من ثلاث نسخ 

مكتوبة بالكمبيوتر، مع نسخة علي أسطوانة 

مضغوطة (CD )


ثامنًا: أن يكتب المُتسابق إقرارًا بأنه لم يسبق له 

تقديم عمله إلي أية مسابقة أخرى، أو تقدم به 

لأية 

جهة لنشره (خاصة أو عامة)، أو تعاقد علي نشره 

بأية صورة من صور النشر.

تاسعًا: يٌقدم المتُسابق عمله للمشرف العام على 

المسابقة بالإدارة العامة للشئون الأدبية في 

العنوان التالي:


وزارة الثقافة ـ 44 شارع المساحة ـ الدقي ـ الجيزة 

ـ الدور الرابع/ في مواعيد العمل الرسمية.

عاشرًا: يبدأ التقدم للمسابقة اعتبارًا من 

1/10/2014 وينتهي التقدم إليها يوم 31 ديسمبر 

2014، وتعلن نتيجة المسابقة 1/7/2015 في 

احتفالية بإحدى قاعات المجلس الأعلى للثقافة.

حادي عشر: قيمة جائزة المركز الأول 3000 ثلاثة 

آلاف جنيه، والثاني 2000 ألفا جنيه، والثالث 1000 

ألف جنيه في كل مجالات المسابقة، وتنشر 

الأعمال الفائزة بسلسلة كتاب المواهب

بقى عندي كتاب

من حقي أجري واتشاقى

وارقص بعياقة 

واتمخطر واتنطط 

واتمرجح وازقطط

وابلبط يوماتي

والاقي حياتي

وابتدي بقى آعيـــــش

الكلمات من غنوة من فيلم رابونزول 

افضح نفسك بنفسك

1- بعيط من افلام الكارتون ، بتأثر أوي ودموعي تسيب ومهما أشوف الفيلم لازم اعيط  :/  كمان اعلانات مستشفيات الاطفال واعلانات التبرعات واعلانات البنوك اللي بيطلع فيها الناس بيحبوا بعض وبعيط اوي لما حسن بيمسك ايد مرقص في اخر الفيلم 
#هو_انا_كده_ابقى_طبيعية

2- لما بدا يتثنى 
من ساعة ما حلمت الحلم اللي فات : بتاع التدوينة اللي فاتت
وانا نفسي أكمل الحلم :) هي ليه الاحلام ما بتكملش كان في افلام كارتون كتيرة بتتكلم عن الاحلام عن ان في ناس بتسرق الاحلام الحلوة تفتكروا الناس دي لو ما سرقتش احلامنا ممكن مانصحاش 
والله يبقى احلى .. انا بحب الطبري والاوضة اللي مليانة كتب 
طبيعي مش هنفع احط صورة عمو ف ده عمو الهيرو :) وكده 

3-
الرقص حاجة عظيمة :) أنا فاشلة فيها .. بحس ان رجليا تقيلة او ذاكرتي محدودة او تركيزي عيان ، يعني ما بعرفش احفظ تنقيلات الرجلين بتبقى كام مرة وامتى ، لما كنا في المدرسة في العروض كنت باخد اطول وقت في التدريب لما كبرت وشوفت فيلم ما تيجي نرقص اتبسطت اوي لسة نفسي اجرب اتعلم ، خايفة يفضل نفسي في الحاجات لحد ما مالقاش في حاجة اتعملت

4 -
عايزة اسافر السويد والهند 
عارف لما توظف حاجة حلوة في الكلام عنك ، بص يا سيدي 
عارف تذكرتي رايح جاي : تلك الغنوة لحمزة نمرة فاكر صور الناس التعبانة والشقيانة اللي اتعرضت مع الغنوة ممكن جدا تكون سبب عظيم في ال 3 جنيه ونص اللي معبد مصري كانوا حصيلة زياراته ف يوم 
احم بمعنى اصح في اغنية هندي من فيلم اسمه براديس الاغنية اسمهاi love my india -اي لوف ماي اينديا- المهم الغنوة عامل جب قوي جدا لانك تحب الهند وتتمنى تلف في المراعي والحقول زي البنت الامورة ، السويد بقى بحلم جديا بيها بس وانا صاحية  
بالمناسبة : باحلم يبقى عندي بيت وارض زي اللي في الفيلم ده
انا حلمت بيهم قبل ما اشوفهم في الفيلم 
4-

حلوة الفكرة دي وان كنت ما بحبش البرونيز اللذيذ 
ياريت كل الوصفات تبقى حلوة كده وسهلة وتتعمل انفوجرافيك

يامن يرى ما في الضمير ويسمع

امبارح من سنتين

نحن قوم لا نعترف بفصول السنة ..هي لا تعنينا في شئ العام صيف فشتاء 

بديت القصة في اول شتي تحت الشتي حبوا بعض

وخلصت القصة في تاني شتى تحت الشتي تركوا بعض

تتفق فيروز مع التوقيت علي ..اتجنب الاحتكاك بها فتصر عليا 

ياحبيبي شو نفع البكي شو الو معنى بعد الحكي

مازالت قصصي كتيرة وايام زعل وغيرة

اجدني رغما عني اسال نفسي عن حلول معها 

تخلص بكلمة صغيرة

تفتكري
اسالها  سرا فتجيبني علنا 

حبوا بعضن

تركوا بعضن 

حبوا 

تركوا

لن يتبعهم الغاوون

من يا ترى أدرى من صاحب التجربة بتجربته !

لماذا يؤمن الناقد دائما بأنه نبي يرسل له الله ملائكة يحدثونه حول ما يكنه الشاعر  أو الأديب  أو يفصحه في صورة " نصــــــــــوص"

بينما هو واقف أمامهم 

هل تعلم أن معظم النقاد الملتفون حول نصوصك إطراء أو نقدا :

1- لا يحصلون جم ما استمعوا اليه لتوهم بينما البال منشغل بالكثير ، فلك أن تسقط من الحسبان ما يقترب زيادة أو نقصانا من ربع ما قرأت عليهم لتوك هم يجزمون بأنك تقصد كذ ا فان كان في صفك فضميرك يجب أن يسبقك أما ان كان ضدك فستشعل نارا في قاعة الصالون أو اللقاء الأدبي

2- عزيزي صاحب القصة .. يامن ملَّلْت ومللت  و اتعبت نفسك والجميع ..رجاء  كُف عن طلب النقد .. صدقا إن من يجلس أمامك متظاهرا بالتمعن فيما قرأت ماهو الا ممثل مجيد .. فلتتخيل  سقط منه سهوا  ثلاثة أسطر و أسقط قصدا مائة كلمة على الأقل  ووجد نفسه بعد تصفيق  باقي الحضور ساقطا في نصف مشهد يجسده بنفسه في نصف مخيلة لا تقوى على السداد ..فيقف أمام معركة الضمير أوالمعركة النقدية بأبعادها  ومميزاتها 

2- عزيزي صاحب القصيدة  لك أن تتوقع أن  عملك القصير هذا فرصته في التقطيع و البيع بالتجزئة أكبر ..من حقه أن يشيد أو يقلل من كلماتك وألفاظك أو لا يفهم ويصفق أو يلومك على التعقيد الذي خلى منه نصك " امورلا تدعوك للجنون ..هذا للعلم فقط ! " ، من حقه أن يقيم مستواك مقارنة بشاعر لا يكتب في نفس لونك الشعري  ، من حقه أيضا أن يقارن قصيدتك بقصيدة قدمتها قبل أعوام ، من حقه مقارنة قصيدة هذا الأسبوع بقصة كتبتها قبل اسابيع ، من واجبك أن تصدق أن فكرتك قد احتك بها قراءة أو ممارسة من قبل ..ولتتأكد ان ما كتبه او قرأه أفضل دائما مما كتبت ،  من حقه  ان يصبح شاعرا يحجمك  لأنك لاتكتب مثله ..من حقه ان لا يراك لانك متمسكا بالطين والأرض والتغريبات بينما هو منطلق في  البراح والحرية والدم والعلوم والفيزياء والعدم واللا شئ  

عزيزي الأديب  لاتستمع للنقاد وكن ناقدا لنفسك ..استمع لنقدهم ولا تعيأ ..حاول أن لا تستفيد بان تنضم انتقاما ..عزيزي حافظ على قواك العقلية واطمأن "فالنقاد لا يتبعهم الغاوون "

مقتطفات من واقعي 

1- أقسم بالله العظيم أنا بكتب شعر عامية بطريقتي ووالمصحف طريقتي ليا لوحدي ..لا هحاكي ولا هقلد ووالله أي مخلوق  بيألف ويقول < زجل، موضوعات،عليكِ وابتعدي ،مؤكد تقصدي > أراهم وللأسف بشكل مختلف :D  

2-الشاعرة المشهورة سرقت قصيدتي .. ياشاعرة يا فالصو  #مصطفى_الجزار_استايل

3-لأول مرة أتوجه صوب التنظير ..فاض بي الكيل

#العقل_والدين_يارب

عم حزومبل الوغد ابن ستين وغد

عم حزومبل ... فاعل خير ..دايما أحب أساعد الغير

منذ طقولتي وأنا أثق غي أن عم حزومبل هذا  شريرا أولا منعها من الاستماع ل "حكاية البلبل " من  الصياد الأكثر وسامة من  شاب ال "35 " كما انه أعادها لطفولتها رغما عنها  ومانع فيم لا يعنيه في اي شئ تحت سلطة ادعاؤ كاذب بانه "فاعل خير "
الآن وأنا في ثالث خطوة بعد العشرين اوكد ان
 " حزومبل وغد مثلما علي بابا حرامي"
 فلنتخيل !
طالبته الصغيرة على الحب:
"
- نفسي افتح عيني وأغمض ألقى عمري بقى عشرين
- علشان ايه ( لا يا راجل )
-علشان أعجب شاب يكون 35
-لأ مش ممكن ( حمش من يومك يا حزومبل) 
-علشان خاطري بس ولو ليومين اتنين
-لأ يوم واحد ( جاتها نيلة ال عايزة خلف ) .. بس بشرط تمشي معايا على طول الخط (شتيمة)
"
أدلة على انه وغد وابن ستين وغد
1-وانا صغيرة كان شاغل بالي هي ليه بتقلع جوة العباية بتاعته !
(عيب طبعا ) 
2- 15 سنة فرق سن يامفتري بيتهيألي ياحزومبل لو كانوا كملوا الأوبريت كنت اتجوزتها انت شخصيا
3-وسؤال لعم حزومبل بياع البطاطا "لما انت ساحر قد الدنيا كده ماساعدتش نفسك ليه في الأول ولبست حاجة بدل هدومك المرقعة دي 
"
بالمناسبة والله مانا حاطة لك صورة ، صلاح ذو الفقار أولى منك

    

 ياسلام

الواحد ما بيلاقيش نفسه إلا في مدونته حبيبته  بقى لي شهرين ماهوبتكيش بعودة الكلام يا "غالية "

بالمناسبة كل شنة وانت طيبة "عيد سعيد"

كلص أحبه

بنصف عين ترى الخيالات أرهقتها الغفوة أراه فما أخشى شيئا .. أسبه جهرا كأي لص أحبه حدثتني رفيقة أن أخرى حينما رأت أخاها في شرفتها ليلا ظنت أنه لصا وانفجرت ضاحكة حينما سألتها عن ردة فعلها وقالت  فما كان منها إلا أن  خافت فغطت وجهها بملاءة وغفت حتى الصباح.. من الحكايات تأتي العظات لذلك صرت الأجبن فلا أهاجم الا أخا قام بدور لص يسير على مهل حتى لانقلق ف العمل يبتلع اليوم نأكل حتى نقوى في ساعات العمل وننام حتى نركز في العمل ونعمل كأي لص أحبه ينفجر ضاحكا بعد محاولاته الجمود أمام عشوائية ما أقول فيخاف و يضحك.. "الخوف و النعاس لا يجتمعان" تلك الجملة التي تحدث بها حسين فهمي لنجلاء فتحي في الفيلم الذي أصبحت لا أحبه.. اذن من الذي يخشى المواجهة فيهرب للأحلام .. رأسي يحتج من كثرة ماعج بأمنيات مختزنة بداخلي تسقط أمنية تحت قدمي وحلما فوق عيني فأهرب من رأسي نحو القمر أستشعر نوره يضيئني من الداخل ..الدوائر كلها تحبني ف الشمس تسلط مظرتها في وجهي ف أتألق أكثر حينها ليصفق لي الجميع مِن مَن احتجبوا عنها و أغمضوا أعينهم  .. أشعر وكانني نبتة خرجت من وجنتي الرُخام

مراسيل

كان في ايفنت على الفيس بوك اسمه مرسال كاتب في وصفه :

الفكرة ابسط من البساطة .. اكيد كلنا عندنا جوابات ماتبعتتش لحد دلوقتي وكلام اتكتب علي الورق وعمره ماتبعت وبوستات عمرها ماتنشرت وكلام بيتكتب في ساعة وفي الاخر بنمسحه ف ثواني ... 
اكتب دا هنا ابعت جواب لأي حد بأسم او من غير اسم اكسر حاجز الخجل والعيب وابعت جواب

من الرسايل ال مش واقعية ال مابكتبش غيرها 

كتبت رسايل كتيرة لابني باحكي له عن حاجات منها عن شغلي والناس ال قابلتهم وتأثير المميزين منهم عليّا ونصحته كتير ولو فيه صندوق بريد أو طوابع بوسطة بتودي( لعلم الغيب ) هبعتهم له وساعتها هلاقي
"البوسطجية اشتكوا من كتر مراسيلي " 
ده منهم
ابني المحبب :
ياترى هتبقى فرحان باني معاك ف بيت واحد يعني هتبقى فخور ان اسمي ف كتاب وان في ناس اتأثرت بمعلومة او فكرة او استمتاع بسطر ف قصيدة أو حدوتة ليا يد في وجودها ف الدنيا ولا عادي ..قلبي ال مقاسك بيقول ان ضحكتك هيبقى صوتها حلو ، ابني الحلو بشوفك كتير ف الاحلام وبقوم من الحلم مشتاقة لك جدا ولما بشوف هدوم أطفال بافتكرك انت عارف اني هلبسك فستاني الكروشيه ال شايلاه من سنين طويلة حتى لو طلعت ولد ولو حتى هتلبسه دقيقة واحدة .. أنا لسة مااعرفش والد سيادتك ال مش هنتلاقى حاليا ، ولحد ما ربنا يجمعنا ولحد ماأقابلك ف الحقيقة زورني كتير ف المنام .. أشوفك على خير
ملاحظةمهمة : أنا هكبر بعد كام يوم وهيبقى عندي 23 سنة بحالهم فياريت لما اقابلك ما تتفلحسش عليّا عشان انا اكبر منك بكتير أوي وعشان مااضطرش آسفة اني أصغر لك وانا كبرت بالعافية  ماشي !
‫#‏بحبك_ياصوغنطط‬ 

اضغط هنا ↓
     *ايفنت مرسال*

نصف ومضة من الفلوروسنت

ربما يفوتني الزمن قبل ضغطة من اصبعي فوق زر الادخال 

..الأرصاد تبشر ب كارثة كونية مدمرة لن أتخيل الصورة 

فرصيدي في الخوف فاقها منذ الطفولة صورة المسيخ 

الدجال فوق غلاف احد الكتب كان يبقيني خارج الغرفة وان 

اضطررت ابتعدت عن المكتب الذي يحتويه لك أن تتخيل حجم 

المأساة من مجرد صورة كنت أتجمد على باب الغرف فما 

بالك بوصف الكتاب تفصيليا من الداخل الذي كانوا يقصونه 

على مسامعي عندما صرت أكبر عرفت أن الصربي ذلك الذي 

يعذب المسلمن في البوسنة والهرسك هو نفسه المسيخ 

لكن بلا أعين تماما الآن المسيخ في بلادنا فعلها معمسلمينا 

قبل عام ولا زال يفعلها كل من قال له مسلم رأى كلمة كافر 

بين عينيه _أقول عنه السيخي _ ثم أعود إلى المسيخ تقول 

الهندية المسلمة جديدا بكل فخر كنت أنتمي لعائلة سيخية( 

السيخ أشد عداوة للاسلام ) سيخ أو ساطور أو سيف يشق 

به لنصفين ..لن أخرج المعجم ف التلفاز يفضح أكثر أرىبعينيّا 

_ بن عكاشة يتحدث عن رجولة اليهود وهم يجزرون 

الفلسطينيين / المصري في المقابل يهودية وحالة العبث 

باختلاف التوجهات والقضايا هو يدافع عن اسرائيل وهي 

تدافع عن أهل غزة / صاحب نوبل في السلام وهو يصافح 

تاركا فلسطين في حلقهم / المعونات تعود الينا خائبة الرجاء 

/ الكهرباء أول عصا اتكأوا عليها تنقطع يوميا ..قبل عام كنا 

نتقاسم ضوء الشمس وضوء من الفلوروسنت مع غزة هذا 

العام نتقاسم صفيحا ساخن .. الكارثة الكونية متوقعة جدا 

..لا خوف ..رجاءً قبل كل نوم حسن علاقتك بجدران وأسقف 

منزلك وتحديدا غرفة نومك .. قص عليها أشياء عن الأمل 

..يرجى _تزعيف_ الاسقف حتى لا تمتلأ عينيك بالعناكب 

مبكرا .. فقط يكفيها التراب