"هم النم يا روحي ياللا جايبة لك مم"
_جبت تلبينة "تنطيط ورقص للصبح" آخر علبة عند آخر عطار وصلت له بعد تدوير أكتر من شهر، ياااه الحمد لله، مش هشرح كنت طايرة من السعادة ازاي وانا مروحة بيها ولولا ان الرقص بجناحين مش راكب على علبة واحدة بس! وانا مايكفينيش منها المصنع كله لاكنت طيرت ورفرفت في الفضا تيرا 🎵🎼
_ملوخية ناشفة، خلينا نتفق انها مش احلى ملوخية ناشفة أكلتها، بس كون فيه ملوخية ناشفة في بيتي ده مطلق الأمان حاجة كدة الواحد بيحضن لها نفسه يتطمن ويطمن شعوب الكون المنتظرة تتطمن عليا كمركز عجيب للكون
_كورن فليكس صديقي الصدوق، فارسي المغوار ده النوع الوحيد ال بحبه
_تودو
جالي هدية تودو الجديد "مدور كده مش فاكرة اسمه ايه حلو وفكرته حلوة خالص وخصوصا انه فكرني بكب كيك كانت منزلاه هوستس واا صغيرة كان شكاه مقارب ليه كده و شكل البتاع ده هينافس التودو بالموز بالاضافة إلى إن اتس هدية يعني ❤ ف الله بقى
ربنا يخلي لنا ال هدايا و ال بيجيبوها لنا 😍
ده شكله
⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇⬇
_الشئ ال في الصورة ده وملمسه فوق لساني⬇
مش هتكلم أكتر من كده
_الكيكة دي كوميديانة اصلا، شكلها وهي مبططة كده تعرفك قيمة الجنيه المصري كده وما آل اليه حال الجنيه 😂
مش هنزل صورتها من جوة و هسيبكوا للتجربة 😄
_ الشيكولاتة دي، انا ما بحبش الشيكولاتةأصلا، لكن دي روحي روحي روحي عشان بس الشيكوبون والمفاجآت اللطيفة ال جواها
_ شيتوس بالشطة: رفيق الدرب وصديق الدقي حبيبي وابنه حبيبي "ميني شيتوس" ❤
أنا جعت :)
ردحذفنفسي في التلبينة من زمان
بس مقلق من عملها
خايف ماعرفش أعملها
وخايف طعمها يطلع وحش
😂
ردحذفلو انك من حدائق حلوان المجيدة لكنت وصفت لك العطار ال جبتها منه
لكن هقول لك الاول نصايح للمعاملة مع العطارين
١_اوعى تضطر تشتريها سايبة وتطحنها أو مطحونة عند عطار لازم مغلفة من مصانع ليه بقى عشان القشر فظييع وهيضيع عليك انبساطك وهيكرهك في نفسك
٢_اوعى يتضحك عليك و تشتريها مُنَكَّهة "مخلوطة بأي حاجة زي القرفة، القهوة، الجنزبيل، أو الشيكولاتة"..لازم سادة
٣_اوعى يتضحك عليك و يفهموك ان "بارلي" تلبينة، بارلي مشروب شعير بطعم ال اي حاجة
٤_حطها ف التلاجة عشان ما تسوسش، وياسلام لو العطار كمان كان حاططها ف التلاجة يبقى كتر خيره والله
"
لو عايز تظبطها بقى ده واقف على الذوق لو عايزها مشروب، اما لو أكل وده ال باعمله وهو حلة او طاسة صغيرة فيها كوباية لبن على نار هادية و تدوب فيها شوية تلبينة وسكر وتفضل تقلب لحد ما تتقل/تتخن "تبقى شبه المهلبية" وان احتجت زود تلبينة لحد ما تمسك، وبالهنا والشفا
وفي الاول او ف الاخر لو طلعت وحشة مش هتتضرر جامد اصلا تمنها ٤جنيه ونص