انطلاقا من آخر تدوينة
والل كنت بقول في آخر جملة فيها
أنا عايزة مشهد نهاية الفيلم
احم احم
مشهد النهاية دايما حلو، يعني لو الفيلم رومانسي الأبطال بيتجوزوا، ولو دراما الخير بينتصر، ولو وطني الأرض بتتحرر وهكذا
ف ما كنتش عايزة أتكل على الله احم احم انا طبعا عايزة أتوكل عليه دايما بس اقصد رغبتي في آخر تدوينة تحمل معنى حلو
أنا عايزة الحلو اللي في آخر مشهد
وانطلاقا من رغباتي في تحلية مياه البحر ف انا فكرت أعمل بلح الشام او الحاجات الشبيهة اللي انا باعملها دي واللي دايما شكلها ما بيبقاش في أبهى الحلل بس لأ ولا فارق معايا وبكمل وبفكر كمان اصورها فيديو وانزلها على انستجرام او تيك توك " أعمل أكونت عليه أصلا"
وانزله تحت عنوان فلتسقط الحناتيف
وانزله تحت عنوان فلتسقط الحناتيف
في ثورة مقصودة على كل البيرفكتو في حياتنا وانطلاقا الى ممارسة عشوائيتي اللطيفة في العلن، وفتح آفاق ليها كمان للناس ليتعشوؤا معايا طالما ما بنغضبش ربنا نحيا كما يحلو لنا بس بردو بنضافة و شياكة عشان العشوائية اللي جوانا ما تتحولش لزرايب
ملاحظة
عملت الوصفة المنزلية المبهوءة
وسمتها
مطبّات
بدون قمع ولا كيس حلواني
عملت المطبات وهذا انجاز لو تعلمون عظيم
عاشت الست فاطمة وعاش وادي النيل
عملت المطبات وهذا انجاز لو تعلمون عظيم
عاشت الست فاطمة وعاش وادي النيل
ليست هناك تعليقات:
إرسال تعليق