حكاية رسمة

 

البنت القلبوظة دي ماعملتش بوتكس ولا فيلر ولا فكرت فيهم قبل كده، ولا هتفكر تنحت جسمها، قلبظت بحكم السمنة البلدي، و الأكل والمرعى وقلة الصنعة، تصحى من النوم تفطر و تشرب الشاي و تطبق الغسيل، و وتقعد ترتاح، تحضر الغداء و تقعد ترتاح، تلعب مع العيال وتقعد ترتاح، تتغدى وتشرب الشاي وتنام وترتاح و تستنى يومها الجديد

صاحبتها قالت لها خدي جربي الفستان ده، كانت عايزة تتقريق عليها ان بطنها هتبان من تحت الفستان بس نأبها طلع على شونة، لأن البنت طلعة حلوة في الفستان، صحيح شفطت بطنها شوية وده باين على ملامحها سيكا، لكن بردو الفرحة ماكانتش سايعاها، ان من اتكسفتش قدام نفسها ولا قدام صحابها، وقررت تخس عشان نفسها اولا و ثانيا عشان ماتحتاجش تشفط بطنها و تتلقط لها ابدا صورة وهي  مش في أحسن حالاتها 

البنت والفستان من تصميمي