في الزمن اللي احنا فيه

 انانية ان الواحدة تخلف، اه انانية انها تعوز حضن طفل تكمل معاه حياتها لأنه لو طلع شيطان هيفسد حياتها وحياة كل اللي حواليها 

انانية ان الواحدة تتجوز، اه انانية انها تحتاج لونيس تكمل معاه باقي عمرها لأنه لو طلع شيطان هيفسد عليها حياتها و حياة كل اللي حواليها

أنانية ان الواحدة تحلم، اه انانية انها تحلم بحياة أفضل تغامر لها لان لو طلع لها شياطين هيفسدوا حياتها و حياة كل اللي حواليها

انانية ان الواحدة تعيش اه انانية لان مالهاش مكان يسمح لها تعيش اللي قاضل لها فيه بسلام أو أمان، أو راحة 

الحياة كلها أنانية،  بس اللي بيكره نفسه بس هو اللي بيعيش سجين وراء كل لحظة حلوة، احسن يطلع له من وراها شيطان يفسد عليه حياته، و بيتلكك عشان يحمي حياة كل اللي حواليه بانه يخاف على نفسه و عليهم ..في الزمان ده  الشجعان بس اللي بيعيشوا.