بصارع الوحش

كأكتر شخص في العالم قرر مايعيطش هحكي .. ايه لزمة العياط في الدنيا ..مثلا مثلا عمرك شوفت طفل عيط ف اهله قرروا مش هياخد الحقنة ؟
انا بعيط كتير على رأي ريهام ال ما قابلتنيش "بسح" .. أولا حد متخيل شخص بيحلم كل ليلة بكابوس يعني لو نمت ٦ساعات من ٢٤ ساعة فورا هيبقى ربع عمري عايشاه باتعذب وبصارع الوحش ويصارعني .. مش مهم الكوابيس عشان مش حقيقية وان كان نص اليوم بيبقى مطفي بسبب قبضة الكابوس .. 
كفاية كده كلام في الخوف ..خسارة الوقت يضيع ف الكلام عن الكوابيس والمخاوف

بوست مش عاطفي

.
اشتروا لي كل ما لا يشترى في ارضكم او في السماء
اشتروا لي غابة من عسل نحل ورطلا من نساء
.
نزار قباني له ذكريات شبه طيبة معايا ..بس النساء لا تشترى ياسيدنا ولو هزلا 
ما علينا .. مش عايزة افضح حد واقول عنه قد ايه كان فظ حيث اني مش ملاك بس بالمناسبة يعني احنا مش هم ع القلب عشان حتى نبرر انكوا اسائتوا ، البنت قهوة بلبن لو قررت تهيج وتثور مش بتثور مرة واحدة ..اللبن بيخليها تصبر .. القهوة ان زادت قادرة تمرر عيشة اللي قدامها .. ده مش تهديد ..لاني ما ملكش من قلبي اي قدرة على القبول .. لكن قررت الرفض .. البوست ده مش عاطفي بأكد.. من كام يوم او تحديا شئ من تجليات كسر رجلي وما حوله من مفاجآت 
كنت بفكر ان الحب تحديدا مش محتاج قلب.. وان الروح كافية او هي اصلا محل العاطفة وان لو القلب لمريض هل ما بيحبش مثلا وان ازاي اصلا ممكن حد قلبه خرب يستقبل حد جواه .. وان ازاي تستضيف حد وانت ما عندكش مكان .. وده فعليا مش اي حد .. ولما شطحت اوي مع الفكرة قلت لنفس ربنا ال خلق السما بغير عماد مش هيقدر مثلا يرفع قلب ويثبته بغير صمام !
القلوب بين يدي الرحمن يقلبها كيف يشاء وانا عايزة لك الخير يا قلبي ف سامحني مش هساعدك غير بشكل ابوي مطلق ..

القلب قرر يوقف كلام دلوقتي وهيكمل كمان كام ساعة ..شكرا بلوجر على خدمة حفظ الحروف انت جدع جدا

حواديت قبل العوم

لم يحكى لنا عن فراشة مشوهة ثارت على من ظنوا فيها ضعفا بجناحين كلما اصطدما احتجاجا انتجوا مقطوعة موسيقيةرائعة يستمتع بها كل من سمعها فلا هم توقفوا عن معايرتها ولا هي أصبحت جميلة

يالا بينا تعالو - من فيلم : الكيت كات - (المشهد الأخير)

كل سنة وانت طيبة

امبارح كان عيد ميلاد طاقة النور اللي ربنا أكرمني بيها سنة 2014 ، عمو مارك _الله يحفظه_ جه عندها ومابعتليش اشعار بعيد ميلادها ، انا صحيح اتفرست وقررت ادور على الاكونت بتاعه واعمل ابلاغ عنه .. بس انا بردو اللي غلطانة 
طب ما اللي يحب حد اول حاجة بيبص عليها في الخباثة بتكون بياناته ومنها تاريخ ميلاده .. قوم بقى عقلي الراسي يقول لضميري الناسي ايه ، اصلها مش بالعمر ولا بالسنين 
عندك مثلا طاقة النور دي د/ايمان الدواخلي جواها البنوتة الغنططة اللي مقابلتها في اول مرة ماكانتش الا في مكان مايتشافش فيه الا حد بتحبه " الجنينة"

وفضل عقلي الراسي يقول لي : بصي يا ستي عارفة تورتة عيد ميلادك اللي مليانة شمع منور دي الناس من بعيد في الضلمة ما بيشفوهاش لكن نقط النوربتلضم في بعضها و بتفضل توسع توسع لحد ما تعمل نقطة نور كبيرة قوي تبان  على وشك ف يصبح قمر ع الأرض 

كل سنة وانت دنيا حلوة  <3 
يارب ، اعدلها " السنة دي هتكون اجمل من اللي فات " 
ربنا يجبر بخاطرك 

"فاطمة رجب" تبدع بقصيدة "مولاك" بمهرجان شعر العامية

حسبي الله ونعم الوكيل \اللهم اكفينيهم بماشئت

تهتف الزميلة من بعيد بخبرها الديني كعادتنا بعد الصلاة هو ان  الذنوب جميعا يغفرها الله ماعدا الظلم لانسان فلن يغفرها الله حتى يعفو المظلوم ، تسود حالة من الصمت ثم نبدا في مناقشة حول نفس السؤال 
ماذا لو لم يصفح .. اؤكد ان ردي حينها سيصبح اعنف من الاسائة ذاتها
 .. بينما قلبي موقن بانني لم ارضى عن نفسي منذ ذلك الحين الذي قررت فيه دفع الاذى عن نفسي حتى ولو برده ..منذ ذلك الحين وانا موقنة من انني ظالمة في حق انسانيتي او طبيعتي اما في نظر العالم ف انا امارس حقي
قبل اعوام قال استاذ لزميلة لي لفظة \ انت وحشة\ ف بكت ربما انتقد الجميع بكائها ماعدا انا فهمتها .. اليوم اتخيلني الن امام نفسي في مواجهة صادقة واقييم نفسي بلفظة \وحشة\ فما يكون مني سوى ان تغرورق عيناي بالدموع واحاول الانصراف كن لا جرس يدق وان دق فلا فرص للتحسين