مـــــــــــارد
فيه هنا مارد امريكاني تقريبا امريكاني عشان هو لو مش امريكاني هيبقى مارد من حتة تانية بس عشان مارد ابن جنية مخلي نفسه يطلع لي امريكاني المارد ده بقى بيعمل ايه ابن الذين
انا بس يحصل معايا موقف يفكرني بتدوينة معينة الاقيه ابن الايه ده فتح التدوينة دي وبص عليها طيب انا لا ببقى معايا موبايل ولا وبقول لحد اني فكرت في كذا ولا اصلا بيكون المواقف دي بتستدعي اني احكيها لحد يعني واروح البيت الاقي المدونة مفتوحة على التدوينات القديمة دي تحديدا
انا بعرف ده ازاي من حاجة اسمها احصائيات المدونة بتعرفني بس اعداد وجنسيات اللي فتحوا المدونة طبعا جنب التدوينات اللي بتتفتح
ف اظهر وبان عليك الأمان ولو عايز تحقق لي امنيات احنا معانا وقت اهوه وانا جاهزة اقول لك كل احلامي بنفس الطريقة ونشوف بقى هتعرف توصل ولا انا مخمومة فيك وخلاص
وعشان نكون على نور وقبل اي شئ في العالم انا لازمني
"بساط سحري"
كأهم واخطر واجمل واقدم امنية من بين كل الأمنيات
ليست هناك تعليقات:
إرسال تعليق