الصدق هو الميزان الوحيد اللي بقيس عليه اي شيئ وهو السبب اللي بيخليني لا اخجل ولا واتراجع ولا انكر، وكل شئ كنت صادقة فيه بقف في ضهره داعمة حتى لو اختلفت معاه بعدين لانه حقيقي
مع الوقت وكل وقت بيغلى سعر الحق وكل ما يقدم ويعتق كل ما قيمة تتضاعف، انا مش من النوع اللي بيكتر من اي شئ عشان يحفظ له قيمته ولأن كل ما بتكترعندنا الحاجة بترخص على الاقل قيمتها ف عيوننا لو مارخصتش في الحقيقة .. الا الصدق مهما يزيد بيفضل غالي عشان بدايله في السوق مافيهمش ابدا الاغلى منه وعشان مش سهل تصادفة قليلين اوي الي بيكونوا محظوظين بصحبته
والناس في الصدق انواع :
متمرسين : عارفينه وبيتحروه في كل خطوة وكل عمل وف كل قول
غشما: على طرف لسانهم و بينطق عنهم من غير تفكير
مخلصين : بيحسوا بكل حاجة وقلوبهم هي اللي بتسوقهم والقلوب ما تعرفش غيره
والصدق زي الحب زي الاخلاص زي الخير زي الجمال بيتقال وبيتحس وبيتشاف ومش كل الناس عندها نضارته ولا كتابه ولا ملمسه عشان كده الصدق من صفاته الندرة ف يابخت الصادق اللي يلاقي ف طريقه حد واحد بس زيه
"صادق"
ليست هناك تعليقات:
إرسال تعليق