لما بتابع ويا اسفاه على لفظة زي "بتابع " عشان حتى ولو فيها ملاحقة للاحداث بتفضل بالنسبة لي مجرد أحداث ومهما كنت مهمومة بيها ف انا مش متفانية بالقدر اللي يليق، لما بتابع أحداث فلسطين باحس بمنتهى المرار والعجز، زمان وانا صغيرة كنت دايما عندي ثقة في ان ليا كلمه هتفرق في الدنيا، و أرواح الناس وانقاذ العالم وكنت فاكرة ان ال بيحصل في العالم من غليان كان واقف على كلمتي واني وانا صغيورة عندي الكلمة مفتاح الحل اللي هحقق بيها الوئام وهيعم من بعدها السلام لحد ما عرفت على كبر ان البطش وراه يقين عميق بالصواب مش مجرد افتراء واهي منصوب على سوست، لا دي سنين من العلم والمعرفة والتنصيب والايمان واليقين ، واللي انت عارف انه صح خصمك عارف ان خلافه صح ونشأت زي ما نشأ وحفظت قد ما حفظ ووثقت وزن ما وثق ف ازاي انت لما هتقول كلمتك هتتصدق وتتنفذ وتدوّب الجليد وتصهر الحديد !
المعركة صعبة وكل الانتصار فيها من أوائل الجولات ما هو الا حسن قدر وحظ طيب واي حاجة بعد كده لازم لها كفاح كبير ومذاكرة لسنين وانكباب على الضرب والدفاع والصد في كل الاتجاهات والا ماحدش يظن للحظة انه هيقدر يغير العالم بكلمة بس كلمة
عموما بعد الضيقة بتحل انفراجة وانفراجة اللحظة لصالح منى الكرد اللي تم اعتقالها وخروجها النهارده وفي انتظار خروج اخوها لايف
واللايف ده هو الحاجة اللي بتهون والله
الحمد لله على سلامتهم وسلامة كل اللي خرجوا وهيخرجوا باذن الله
ليست هناك تعليقات:
إرسال تعليق