عبـــــــد الله الشـــــــــــــامــــــــــــــــــــي .. لمن لا يعلم

عبد الله الشامي في خطر حقيقي 

صحته في تدهور, نقلوه زنزانة انفرادي, بيتجدد حبسه من يوم 14 أغسطي, اترفض الاستئناف على قرار حبسه االنهاردة
قبل ما يتنقل الحجز الانفرادي أهله نجحوا ياخدوا منه عينة دم و يعملوا تحاليل لمتابعة حالته الصحية وكانت النتيجة فقر شديد في الدم وأعراض فشل كلوي ونسبة سكر منخفضة جداً.
رابط التقرير هنا http://i58.tinypic.com/1196yhw.png

في شاب اختار يكمل معركته للحرية من جوة السجن حتى لو مات
زوجته جهاد من فترة دخلت اضراب عن الطعام عشان تشاركه رحلته
في رسالة لها من يومين كتبت

" أيدري كل من يتحدث عن بطولته و صموده أحلامه تلك ؟ أيستطيعون أن ينحون حديثهم عن الصمود و البطولة و الشموخ و لو قليلاً و يفكرون أن لهذا الشخص حياة شخصية خاصة به .. أن له أسرة !!

عبد الله و زملائه المعتقلين و كل الشخصيات العامة المعتقلين منهم أو المفقودين أو الذين أصابتهم مصيبة في عزيز عليهم كلهم بلا استثناء كلهم لهم حياة خاصة ، لهم زوجة و أطفال و أب و أم .. لهم أصدقاء ..
لهم أماكنهم المفضلة و أكلاتهم المحببة و أوقاتهم الخاصة و رواياتهم و خصوصايتهم .."

القائمين على السلطة السيسي و محمد ابراهيم و عدلي منصور, و القضاة اللي مش فارق معاهم الاف يتظلموا بادعاء "العدالة و الأمن" كل يوم , مش بس سفاحين و مجرمين, لكنهم كمان غلاويين و كيادين و بيعندوا عند مراهق
ماعندهمش اي مانع يسيبوا شاب يموت ولا انهم يتراجعوا عن موقفهم
المهم الشباب تنكسر

أرجوكم اهتموا بالموضوع
لو مش قادرين نعملهم حاجة بجد على الأقل اكتبوا عن عبد الله و محمد سلطان و كل الشباب اللي اختاروا يموتوا و لا انهم يرتضوا سجن ظلم
اكتبوا عنهم عشان لو ماقدرناش ننقذهم من الموت اللي هم بيتحركوا ناحيته بخطوات ثابتة, على الأقل لما نفتكرهم ما نحسش اننا عايزين نتف على نفسنا و سيرتنا و تاريخنا

" قصتي ليست قصة فرد واحد وانما هي عن كل صاحب كلمة حرة و دفاع عن حق فطري كفلته كل الشرائع و القوانين. وغير بعيد سيفتح باب هذه الزنزانة واسعا دون حاجز أو حارس و سأرفع الرأس ماضيا واثق النفس قوي الارادة. لست مجرما ولا مخربا ، أنا صحافي و الصحافة ليست جريمة"

‪#‎FreeAbdullah‬

‫#‏الحرية_عبدالله_الشامي‬

------------------------------------------------------------------------------------------------
روابط:
رسالة مصورة مسربة مع عبد الله من السجن في يوم 106 من الاضراب
http://youtu.be/3cBJfnkMt3o

رسالة محمد سلطان للقاضي في اليوم 108 من اضرابه عن الطعام
https://www.facebook.com/RNN.NEWS/photos/a.280183138725469.58204.103622369714881/782632928480485/?type=1&theater
و ده رابط لفيديو قصير له في المحكمة
https://www.youtube.com/watch?v=-AALn5b40_M

رسالة جهاد زوجة عبد الله
https://www.facebook.com/Gehad18/posts/693112947421257