#مُـــــــــــوَجَّـــــــــهَـــــــــــة

أنا بخ عو انا قطة نو انا هم نم انا بس بس انا ابلة مس انا هس بس خلوني احس ..ده الكلام المهم ال بيكتب زيه ميدو زهير وال كمان بتغنيه له  مريم صالح .. بص ياسيدي والكلام موجه لك .. لأنك الوحيد ال بتقرأ وتنكر هوجهها لك  بص انت هتسخط ع الكلام وهتسكت ف ملاكش حق الاعتراض .. قبل ما هتعترض هتسمع الغنوة وهي وحشة اوي وهتقرف منها وعلشان كلمتين مش متأكد منهم هدفهم مخالفتي بس هتثور وهتتكلم في الفلسفات والحريات .. حقك بس بالمناسبة .. التدوينة دي موجهة لصاحباتي البنات ومش ليك بس لو هتقرأ ف ذمتك يا شيخ انت لقيت نفسك ف أي سطر ليا ّ :/ استحالة .. قول لنفسك وانا هقول لهم 

مع الاعتذار لمريم .. بس انا رسمتها كده من زمان 

    ـــــــــــــــــــــــــــــــــــــــــــــــــــــــــــــــــــــــــــــــــــــــــــ
1*تعرفيني من كام سنة ! 10 والله لأ أمي تعرفني بقى من قرب 23 سنة هي الست الوحيدة ال ليها الحق ف معرفة أسراري والست دي مش محتاجة تتدحلب عليا عشان أقول لها السر الخطير .. أنا بحب فلان :/ بلاش احراج لنفسي وانا بحاول مااحرجكوش و واحراج ليكوا لو اتنرفزت وده حقي .. مش معنى انكوا شايفين المدونة موجهة اني اقفلها وانساها وارمي الكلام ال فيها ف الشوارع  الكتابة شئ ممتع .. انا لسة ماوصلتش للنص المثالي ولان المدونة فاقدة للتوجيه .. الردود اقصد وابداء الراي ف انا بكتب فيها باسلوبي وباكتر من طريقة يمكن أوصل لنص في شئ من الجودة ف ماتربطوش بين الكلام وشخص 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
2*بصوا يا حلوين مش معنى ان ف دردشتنا واحنا ع الكورنيش او الشات العظيم او ق المكروباص او ف اي ساعة بتجمعني بيكوا بقول لكوا اني متضايقة او بيستفزني شخص ما انه ماي هيرو ابدا .. بالعكس وانكوا عشان حبايبي وانا حبيبتكوا تلسوعوا ضهره بكلامكوا لمجرد انه بيستفزني مثلا بأي حركة .. انتوا بتوجبوا بس مش للدرجة دي ماتشتموش حد بحكي عنه لمجرد انه قسي على الملاك البرئ أنا و بلاش كمان نظام ربنا يبعت لك ال احسن منه .. ربنا ما بعتهوليش اصلا .. أنا عايزة الاحسن فعلا بس ليه كلمة منه .. ليه الاحسن يكون طالع من تصفيات معاه اصلا ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
3* مش معنى ان عمو ده كان فيه بيننا تخاطر آه والله هو ده انه يكون عشان السبب عاطفي .. صحيح الأسباب كلها بتقول ان ده السبب الباقي وال ممكن يكون مقبول بالنسبة لكوا لكن في أسباب تاني .. او اعتبروه لسبب جديد مثلا لسة ماحدش وصل له
4*من الآخر الواحد قبل مايفكر ف نصه التاني يبص ع نصه الأولاني الأول .. محمود درويش ليه قصيدة بيقول فيها سأصير يوما ما اريد .. أنا كمان سأكون لكن عندما أريد .. أنا لسة قدامي الوقت ال يخليني أفكر ..فياريت بلاش تضيعوا ع نفسكوا فرصة انكوا تريدوا لنفسكوا ال عايزين تكونوه 
ملاحظة أخيرة : لو عايزة زوج صالح .. اشتغلي على تصليح نفسك الأول وبلاش تسيبي تفسك لحد ما تنتهي صلاحيتك