نحكي الحدوتة من الاول ؟
المستوطنين من أيام بس سكنوا بيوت منطقة
حي الشيخ جراح
بحكم من المحكمة الاسرائيلية بتهجير 28 أسرة من بيوتهم
لحد من كام يوم ماكانش ليهم عين يرفعوها في حد لكن فيه قوات من أمن وجيش الاحتلال بيحموهم يوميا ف بقى لهم البراح في
الخروج ومداهمة أصحاب البيوت الأصليين ال لسه بيقاوموا وما بيسيبوش الحي حتى لو هيقعدوا ف الشارع
الناس دي بتقاوم، نص الحي اتهجر الشهر ده والنص التاني هيتهجر في شهر 8 الجاي
البيوت دي قديمة لو لاحظتوا الهدف ف مش البيت نفسه الهدف نزع المنطقة من الفلسطينيين وتهويدها ، هم مختارين فئة المستوطنين
الأكثر تطرفا لصالح اليهودية ولو لاحظتوا التصرفات والهيئة هتفهموا ده كويس
واحد من سكان الحي القدام بنى جزء ملحق بكل ما ادخره من مال عشان يوسع على نفسه ف أخدوا منه الجزء الجديد بحكم محكمة الاحتلال واسكنوا فيه مستوطنين من 2010
11سنة لحد النهارده بيتحرق دمه على بيته المنهوب ظلما قدام عينه ، بيتحرق دمه يوميا على ان الجدار ال بيفصله عن عدوه ويتمنى لو يهدمه فوق دماغه هو جدار من بيته ، بيتحرق دمه يوميا على التضييقات والازعاج والايذاء البصري واللفظي ليه هو واولاده وضيوفه .. صاحب البيت بيحكي انه كل ما كان يروح شغله يتصل يتطمن على أولاده اذا احتكوا بيهم او ضايقوهم او اذوهم ، في فترة من الفترات أشفق أحد الجنود على شيبة صاحب البيت فحاول مساعدته بالتوسط ليه بس عشان يمنعوا الكلاب اللي كانوا مربينها المستوطنين لايذاءه هو وأهله فنقلوا الوسيط وابقوا الكلاب
في أحد اللقاءات كانت بنت صاحب البيت بتكلم واحد من المستوطنين وبتقول له انه بيتها وانه مش بيته فقال لها انه مش بيته وهو موجود بحكم محكمة ولو مشيت هييجي غيري .. هم عارفين انهم مش أصحاب حق وبيجاهروا بده
الفكره انهم بيختاروا الفئات من المستوطنين ال بيسكنوهم مع الفلسطينيين ويفرضوهم عليهم انهم اخلاقيا يكونوا أسفل سافلين مثلا صاحب البيت اضطر انه يحط ستارة قدام اوضتهم من الخارج لانهم بيتعمدوا التعري زيادة في إيذائهم بصريا
النهارده جنود الاحتلال هاجموا المصلين في المسجد الأقصى واستمرت المداهمات من صلاة المغرب لحد الساعة 12 سقط على أثرها أكتر مئات الجرحى منهم عشرات النساء والشيوخ والأطفال ال اصيبوا اصابات بالغة، لحد من ساعة كان فيه أخبار عن 3 شباب فقدوا عيونهم نهائيا نتيجة فقط لانهم راحوا يصلوا اويعتكفوا في المسجد
تخيلوا ان الشباب اضطروا للمقاومة بأزايز المياة اللي واخدينها للافطار ! يعني بيتضربوا بالرصاص المطاطي وقنابل الغاز والصوت وبيتصوب على وجوههم وعيونهم ومفاصلهم فبيردوا عليهم بفوارغ زجاجات مياه الشرب
الموضوع منظم جدا مئات الجنود دخلوا ساحات المسجد أثناء الصلاة وبدئوا بمداهمة الشباب لأن فرغت الصلاة ف داهموا الباقي يعني حتى ماعطوهمش فرص للاخلاء هم أجبروهم عليه وضيقوا عليهم كل الطرق وأغلقوا المنافذ
وكأن الهدف أصبح ان المقدسيين بدل ما يطالبوا حقهم في وطنهم واحيائهم انما يطالبوا باخلاء سبيلهم للخروج من المسجد وده اللي عمره ما هيحصل
ياما زمان حاولوا يقنعونا انه المقدسي فرط وان الفلسطيني بايع القضية وباع وطنه وبيته وارضه واللي بيحصل دلوقتي اشارة لانه لأ ااحنا اللي هيأوا لنا ده عشان يعفوا نفسهم بمبرر عاطفي كذبوا وصدقوه من الوقوف بموقف المساند للحق .. واجب علينا جميعا مساندتهم واجب تحريك الرأي تجاههم وتجديد مياه الحقائق الراكدة حتى ولو بالحكي للناس عنهم واجب علينا الكلام والاستمرار في الكلام عنهم
اه بفرق معنويا على الأقل بالنسبة لهم، وده كبير جدا عند الله وعندهم وبيحمسهم يكملوا وبيشعرهم بان الناس معاهم ، بالدعاء بالكلام بالنشر بالحكي بالتعريف فمايفقدوش الامل ومايحسوش نفسهم وحيدين
واخيرا
يوم 28 رمضان
بالتاريخ الهجري _مش الميلادي سبحان الله_ هو اليوم اللي اختاروه جماعة الهيكل لدخول المسجد الأقصى تزامنا مع وهم تاني اخترعوه وسموه باسم ذكرة توحيد القدس واللي متخيل انه هيكون أصعب كتير من النهارده لو حاولوا ان ده يحصل
رجاءا تابعوا المقدسيين النشطاء ومصورين الأقصى وشوفوا عيانا الأحداث واشهدوا عليها، المسألة مابقيتش أخبار بنتناقها فتوصل مغلوطة بقى قدامنا الفرص نشوف ونشهد ونحكي بالحق
هحط لكم روابط لناس من القدس لمتابعتهم
