فحدِّث

 من نعم ربنا الكبيرة علينا انه خلقنا مسلمين من الاول خالص، أكتر أساتذتي المقربين لنفسي شاف ان ردي على سؤاله انت ليه مسلمة عشان اتولدت مسلمة لأهل مسلمين رد مش حلو ومش مناسب مع ان ممكن تبقى فخر يعني زي أصحاب الأعراق المحمودة ما بيفاخروا وهم بينسبوا نفسهم لعائلاتهم رغم ان الموضوع كله قدر ماساهموش بأي شيئ فيه فمش مطالبين برد تاني وعجيب انه يتسأل لهم سؤال انتم ليه من عائلة فلان 
والحق ان ده مختلف كتير في مسائل مرتبطة بالعقيدة الا ان ده ال حصل مع أغلب المسلمين ونسبة أقل بتكون بالاعتناق في كل بلد من اول العربية وصولا للغرب وانا الحقيقة لو اسلامي في نظر أستاذي سهل او صدفة ف انا شايفاه نعمة كبيرة اني ما اتحطتش ف الاختبار الكاشف الصعب ده وانك تاخد صك النجاح والنجاة من غير ما تدخل الامتحان أصلا زي ال ربنا بيخلقه معافى أو بيخلقه راضي او سليم القلب أو سليم النية أو باله رايق او هادي زي أي حد محظوظ بأي شئ مش بيكافح أو بيتكبد عناءات للحصول عليه من اول اكتشاف أصلا انه ناقصه حاجة لحد ما يسعى ورا انه يعوض ال ناقصه لحد ما يقدر يكتمل ، نعمة اني ما كونش من الضالين ولا المغضوب عليهم من يوم ما اسعى في الأرض لحد ما ربنا يأذن لي بأي شئ تاني ف الحمد لله على تمييزه لينا على غيرنا من بداية خلق الأرض لحد يومنا ده جدا دي نعم صعب يوفي الانسان ربنا شكرها بس نحاول ونفكر ونبذل وربنا يعيننا على ذكره وشكره وحسن عبادته