حين يقرر الاحتلال الاسرائيلي اعتقال أحد الفلسطينيين فلا منجي له منهم غير الله
شاهدوا أولا هذا الفيديو
https://www.instagram.com/p/CPRJRqtAd9p
ملاحظة يظهر هذا الفيديو طريقة وحشية في الاعتقال تتطابق تماما مع ما حدث مع جورج فلويد قبل عام وهي الطريقة ذاتها التي تحرص قوات الاحتلال في نهجها عند اعتقال الفلسطينيين
ذكرى مقتل جورج فلويد 25 مايو مرت سنة ايه اللي حصل فيها لصالح الانسان فيما عدا المسيرات التضامنية وقرارات التهدئة شوية حاجات بره بلادنا وكاننا عايشين في فقاعة كبيرة بتعزل عننا كل ما هو ممكن ، كل ما هو متاح وكل ما هو حق!
قضية فلسطين قضية تطهير عرقي او بمعنى اخر محاولة ابادة جماعية ، الهدف منها تحقيق السيادة لاسرائيل وتهويد فلسطين بالكامل مش القدس فقط ، بيمارس في فلسطين نوع أبشع من العنصرية الفجة ضد كل ما هو عربي أو اسلامي في خطوات مدروسة في اتجاه قتل وتهجير فلسطين من أبناء شعبها من الفلسطيننين واستبدالهم باليهود الاسرائيليين
اللي حصل مع جورج بيحصل يوميا في فلسطين النهاردة 23 مايو حصل زيه لما حاول المستوطنين يعيدوا الكرة تاني ويدخلوا المسجد الأقصى "مكان العبادة المقدّس" وسط لفيف من قوات الاحتلال ، التصرف اللي جنن كل صاحب حق وحتى لو كانت دي مجرد حركة استفزازية زي ما وصفها المحللين لكن شيئ مش مقبول بالنسبة لأي مسلم مش بس مقدسي، فبيضطر الفلسطيني يتحرك وياخد موقف
تخيل ان 1550 حالة اعتقال من يوم ما بدأت الهدنة لحد دلوقتي قابلة للزيادة يوميا وبمنتهى الوحشية، منتهى الظلم، فهل تعلم يا سيدي :
_ انك تقدر تحس انك مظلوم هو ما يقدرش لانه مافيش عدالة أصلا عشان ببساطة مسلوب الحق في وضع قانون بلده، حتى قانون بلده محتل ف بيتحاكم على الطريقة الاسرائيلية اللي بيكون فيها الخصم والحكم والدفاع والقاضي ومنفذ الأحكام عدوك
_انك مضطر تقبل بأي شيئ هتتعرض ليه عشان مافيش بديل ولو رفضت هيبقى لرفضك ذنب تاني تتعاقب عليه وحدك وبردو هيتنفذ
ف أحلى الأشياء مر
_انك عشان فلسطيني متوقع في أي لحظة اعتقال باب بيتكسر عليك وبتتاخد ونقطة هنا ولو حاولت تهرب من الاعتقال فرصة تأخرك عن المقاومة ف بتعتقل عشان تاخد حكم تقضيه حسب ما يحبوا عشان حريتك، ف انت مضطر تتاخد ويضيع منك بعض الوقت بدل ضِعف الوقت لو رفضت عشان ساعتها هتتحاكم على جريمتين وده اللي بيصور لنا هم ليه الشباب ما بيقاوموش لحظة اعتقالهم وبيكونوا بمنتهى القوة او بكامل العجز!
_ ان مافيش حاجة اسمها مساواة ولا حتى في الظلم في قدر من الظلم يتطبق على مناطق معينة ما ينفعش يتطبق نفس القدر على مناطق تانية لوجود بعض المستوطنين في سكانها ف انت يا تقبل يا تضطر تقبل
_مافيش اوبشن تتنقل لمكان تاني لان الظلم فيه أقل، عشان انت ممكن تتقتل او تتخطف او تعتقل في نقط التفتيش بس
على صعيد شخصي
شوفوا الفيديو ده الأول
انا مابقيتش بقول *لا حول ولاقوة الا بالله * أو * لا اله الا الله* اللي لساني قريب منها وبينطقها بسرعة انا قلبي بقى هو ال بينطق وبيدور على أطول الاستنجادات بربنا عشان تكفي تنهيداتي من كتر ما قلبي موجوع
لا حول ولا قوة إلا بالله العلي العظيم
ملاحظة : الفيديو لطفل 10 سنوات تم اعتقاله!
السؤال حاليا
ماذا لو كان جورج فلويد فلسطينيا
ليست هناك تعليقات:
إرسال تعليق