احنا بنعيش ظروف قصوى ف كل يوم بيمر بينا او بنمر بيه، الخوف كل الخوف نكون بنتعامل ان فيه لسه معانا وقت قبل الامتحان واحنا جوة الامتحان اصلا من بدري ومش دريانين والخوف الأكبر يتسحب مننا الورقة واحنا حافظين مناهجنا صم بس مالحقناش نكتبها ونملا بيها اوراقنا.. اللي قال الكنز ف الرحلة كان معاه حق بس الزاد مهم، التقوى مهمة ، لو لينا واجب هيكون ترك المواقف المايعة و الافصاح عن الحق لأنفسنا اولا لأنه حق لينا وحق للناس اللي هتاخد مننا، لأنه سواء قبلنا او رفضنا فيه ناس هتحاكينا، وهفضل اكرر وجهة نظري ان تجنب اعلان الحق واحدة من الفتن الباطنة، لما بنقول اللهم جنبنا الفتن ما ظهر منها وما بطن بندعي ان ربنا يبعدها عن طريقنا، عن سكتنا خالص بس مش معنى كده ان الهروب منها بالسكات او الصهينة او التعاطف عشان نبقى كيوت وحساسين ولطاف وما بنثيرش الجلبة ولا الشحناء تجنب ليها وانما هيكون نوع من انواع الوقوع في شركها، في شباكها فيصبح الشاذ عادي بالتعود والقبول ، ومقبول بالسكوت عنه وتمريره، ثم ان التكرار بيعلم الشطار، ف اللي هيفضل يقول لنفسه كذا غلط هيبعد عنه لكن لو فضل ساكت عنه لو حد وراله هو شايفه صح منين ممكن يميل ويتأثر.. خلاصة الفكرة راجعوا لنفسكوا قبل ما تسيبوا الورقة واوعوا تتراجعوا.
ليست هناك تعليقات:
إرسال تعليق