فاتن حمامة
ماعرفش انا ليه مخبية الموضوع ده بس تقريبا وانا صغيرة كنت عايزة اكونها، بشوف كل افلامها، معجبة بكل طباعها، و بقلدها في الكلام المشي، اللبس، الاسلوب، حاجات كتير اوي
حتى لما كبرت كنت دايما بحس ان ردود افعالي شبه ردود افعال الشخصيات اللي بتمثل ادوارها اول معرفتي بيها كانت في فيلم ليها هي وعمر الشريف
اا عمري ما اعجبت بعمر الشريف، لاني معجبة جدا بيها هي و شايفة انه خسرها، ست حلوة، منمقة، لطيفة و ريفة، وطيبة، وتشرف
فيه ستات كتير جميلة بس مش كلهم طيبين زيها، وشوشهم طيبة زي وشها
انا وشي طيب؟
سألت السؤال ده لاكتر اتنين بحبهم في الدنيا
قالوا لي بعبط كمان
مااعرفش مين في الدنيا شكله طيب بعبط عشان اشبهني بيه واقول
زي مين ف تعرفوا
بس كل اللي اقدر اقوله اني بعرف احب و بعرف اراضي، و بعرف اسامح وبزعل لزعل الناس و بعرف ادافع واحمي، وبعرف اصون
وأصحابي اطفال قلوبهم بيضاء زي الفل فكلامنا كله أبيض، و حياتنا كلها اسرار لطيفة مضحكة ف الاشرار مش عايشين جوايا و مش بفهم في السياسة ف الحياة ابيض يا ورد
باعرف الاشرار وابعد عنهم واعرف الأخيار و أحبهم و هي دي حياتي
مهمومة بجهلي، وذنوبي، وتقصييراتي ودي الدايرة اللي مش عايزة أدور إلا فيها
لذلك ممكن دي تكون الدوافع اللي بتخلي وشي طيب مش طيب عادي طيب بعبط
ليست هناك تعليقات:
إرسال تعليق