صباح الخير
الحد الادنى للمعاشات ٢٠٨٠جنيه ده الرقم اللي بيهللوا عشان بيبشروا بيه الناس اللي هتطلع على المعاش عليه بداية من شهر يناير القادم
الرقم ده اللي هيأمن حياة البني ادم اللي تم ال ٦٠ بعد ما قضى اكتر من نص عمره شقيان عشان يشتغل ويضمن ان بيته يفضل مفتوح بعد التقاعد
الرقم ده اللي هيصرف منه هو و اسرته
ياكل ويشرب و يتعالج و يلبس و يتبغدد و يصيف و يشتي و يعيش
الرقم ده اللي هو مش محصل ايجار، ومش محصل فطار لاسرة ومش محصل علاج لفرد واحد منهم
طبعا الرقم ده مش هيضمن للمتقاعد كسوة تستره
الرقم ده مش هيضمن للمتقاعد لقمة ترم عضمه
الرقم ده مش هيضنن للمتقاعد فيتامين يصلب طوله
الرقم ده مش هيضمن للمتقاعد خروجة يشم فيها نفسه
الرقم ده مش هيضمن للمتقاعد فواتير الكهرباء و الغاز والمياه
الرقم ده مش هيضمن للمتقاعد حياة كريمة بالمعنيين
الرقم ده قرشين بيكرمشوهم لرب الاسرة في زمن اقل بيت محتاج ١٠ اضعافه عشان يمشي بالكاد
مصر مش دولة فقيرة مصر بتتفنن في انها تفقر ناسها
طب هم بياخدوا كام دلوقتي كحد ادنى يعني ١٧٧٥جنيه شوفوا@ الوسع اللهم بارك هيزيدوا ٣٠٥ جنيه بحالهم!
ليست هناك تعليقات:
إرسال تعليق