فلسطين

 اللي حصل في فلسطين امبارح شرح صدري بجد "فلسطين المحتلة" بس ليه شرح صدري لان امبارح وانا بشوف الفيديو من عند عبد العفو كان الجنود المجرمين بيهيجواا بخيولهم ويخوفوا الناس ال في ساحة باب العامود وفي لحظة عدت عربية المياة العادمة ودفعت رشاش المياة القذرة دي عليهم ف ياعيني كانوا بيجروا ويصرخوا ويتدافعوا 
بالنسبة لي التدافع ده من أكتر الحاجات المخيفة في الدنيا ولما شوفتهم تخيلت سيناريو مكروه بالنسبة لي واتمنيت للمجرمين دول من كل قلبي كل ال خوفني بالاضافة لدعوات تانية ف الصبح لقيت الخبر ال اسعدني جدا عن تدافعهم وحصيلة "عيب اقول الضحايا" الموضوع مفرحني يمكن ده ذنب الأطفال دول 

اسمعوا اخر كلام بقوله أبوه ليه

الست أم ديوان

 من سنين كتير سمعت من حد فكرة انه مش هيعمل ديوان أشعاره لان العالم مش واقف على ديوانه يعني والحق اني فضلت مقتنعة بالفكرة دي لحد ما ابتديت يتكون عندي فكرة جنب الفكرة، انا ليه افكر في النشر!
أولا كده استمرارية شئ اولا لاتعني انه كفء بمعنى ان فيه حد عنده لمحة صنعة يعرف يدخل منها عالم ويستمر من بعده لسنين فمش لازم يصنف كقوي قد ماهو ذكي وحريف  فمابقتش المسألة مسألة حس قد الكم المنتج فاذا كان الشخص مكمل بنسب بسيطة فيها حاجة لها قدرها يمكن يكون أهم ملايين المرات من نسخ كتير بس ما يختلفوش عن بعض ف الكيف مهم 
ثانيا عدم معرفة المتلقي بالصح بيخليه يتقبل معظم الحاجات طالما بتوافر في قائلها شروط المرحلة اللي هو فيها فاذا كان الشائع الهرجلة ف القليلين هم اللي هيمتنعوا وينتقوا وفيه نسب تانية هتتقبل الشئ على سبيل التجربة او محاولة اكتشاف وفيه ذوق تالت بتاع طب مش وحش اللي هو بيكون ذوق عايم كده بيجرب كل شئ ويتعامل مع اللاشئ على انه صنف جديد ومن الواجب تقبله وده للأسف بيدافع بشراسة عن الساقط عشان يدي له فرصه يمكن يكتسح 
بالنسبة لي عمل ديوان مش على هوايا وفيه كل أحلامي وأفكاري كاملة مش هيحقق عندي أي أفضلية وحتى لو حقق هتبقى مقارنات يعقدها الناس ولا ألقي لها بالا ليه عشان انا مش عايزة اقل من ان كتابي يكون في ايد الجميع يمكن لو اطول اسيب نسخة في كل بيت هعمل ده ومافيش حد هيطبع لي كتاب عشان يخسر فيه خصوصا اني متمسكة بالنشر الورقي 
فلحد ما ده يتحقق انا متسقة مع افكاري وراضية عنها صحيح بصيح مع نفسي صمتا كده في اني يلزمني الانجاز بردو و البحث عن دار فيها شروطي وما اطلعش منها ظالمة بردو نفسي، الا اني تمام اوي وربنا يعترني في الصواب 
من كام يوم اصرت صديقتي اننا لازم ننشر وكلمتني عن دار بتنشر بسعر مخفض لنشر وكأن ده شيئ لقطة، مع عدد نسخ بسيط ، لما اعتذرت لها حسستني بعدم الانجاز، اه المفروض ان من الانجاز كتابتي تشوف النور لكن لو من غير ما حقق الصورة اللي مخططة لها هبقى برمي نفسي ف الارض .. يا فرحتي بيا وانا ناشرة ديواني .. همشي ف الشارع الناس تقول لي الست ام ديوان اهيه ! اعقلوا الكلام بقى يا جماعة 

فلسطين

اللي بيحصل في المسجد الأقصى  دلوقتي ظالم بكل ما تعنيه الكلمة قوات الاحتلال كل يوم بتهاجم المصلين والشباب ال خارجين من المسجد بعد محاولاتهم اغلاق بابين من أبواب المسجد هم باب الساهرة وباب العامود ف الشباب بيروحوا عشان يفسدوا عليهم خططهم في تنفيذ قراراتهم اما عن  المستوطنين فهم كمان بيتكلموا عن انهم هيروحوا ويسكنوا الشوارع المحيطة للمسجد الأقصى ف الشباب بيملوا الشوارع أزيد عشان يمنعوهم من احتلال الأماكن دي القوات في محاولات القمع بيلجأوا لأقذر الطرق زي مثلا الخيل ف جايبين خيول انجليزية أضخم واقوى من الخيول العربية بيهاجموا بيها الشباب لتفريقهم ناهيك عن السلاح والرصاص المطاطي والحي ضيف على ده مشاهد يومية لضرب الشباب الأعزل جموع مقابل شاب في كل فرصة من 3 ايام رشوا الشوارع المحيطة بمياه عادمة " مياه سيئة الرائحة" رشاحات ضخمة فيها مياه قذرة وبيرشوها على الشباب لتفريقهم ، الشباب صامدين لما بتابع محاولات التفريق باتبهر بهدوء المصلين بيخرجوا ويمروا والسلام في قلبهم بيستنوا لحظات يفضى المكان ويعدوا رجال نساء وأطفال بلا نظرة خوف ولا جري برعب ولا حتى قلق 

لمتابعة الأحداث شوفو عبد العفو 

https://www.instagram.com/abdalafo/

البنات البنات  

ولا ألطف الكائنات ولا نيلة 

فيه شاب فلسطيني مذيع في قناة هناك  وبيعمل فيديوهات من المسجد الأقصى المهم كنت ب احضر فيديو لايف لحد تاني عن اأحداث في محيط المسجد الأقصى بعد التراويح وظهر من ضمن المصورين ال بيغطوا الأحداث الشاب ده وهنا انهالت تعليقات البنات هاتوا الاكونت بتاعه وال تعمل له قلوب وال وتكتب اسمه قعدوا ييجي 5 دقايق او اكتر  من فيديو بيهتفوا باسمه فرحة بانهم شافوه بس مش عشان هو بيقول حاجة، بلا اي مراعاة لانهم بيتابعوا اعتقالات وضرب وهجوم وتدنيس للأماكن وزقوا القضية ال بيتابعوها على جنب وركزوا معاه .. ولما يا عيني تعب من كتر الجري و قعد وشافوه قاعد فتحوها مندبة عشانه خلوا صاحب الللايف يطمنهم عليه من كتر التعليقات احسن لاقدر الله يكون فيه معاه مشكلة وكملوا بقى وفين الاكونت بتاعه فين ماعرفش ايه وهكذا اشفقت للحظة على صاحب اللايف ال ماحدش معبره بسؤال رغم انه اتعرض لمضايقات قوات الاحتلال خلال اللايف اكتر من مرة 

*🌼*

افتكر مرة من سنتين كده  شاب مصري كتب عن لون فستان حبيبته وكنت اعرف بالصدفة بنت لطيفة بتحبه  ثم اكتشفت انهم كتير لما اتفاجئت ببنات من نفس دايرة الاهتمام ال بتجمعنا غيروا صورة البروفايل بتاعهم لصور ليهم بفساتين بنفس اللون اياه 
يمكن الحاجات دي مابحبش اعرفها، بحس انه يبقى افضل لو تكون أسرارهم جوه نفوسهم في الحتة الصغيورة ال شباكها موارب جواهم ومافيش داعي للتهليل فَ الناس تشوف، يمكن لما بتكون اسرارهم بتتحول لقضاياهم هم ال صبرهم ووقوفهم في ضهرها بيكون في قيمة النضال عندهم وف وسط ذكرياتهم هم على غير ال بيشيع ويتكشف ويتحول لحدوتة وحكاية وسهراية بيضِل ويفقد قيمته .. انا عارفة اني قديمة شوية بس هيك بحب 

قلعة الإبعاد

 المبعدات

هن الممنوعات من دخول المسجد الأقصى بأحكام قضائية فرضتها حكومة المحتلين، تخيل حرمانك من دخولك المسجد دونا عن الجميع ، ان تقف على بعد أمتار من البوابات ولا يحق لقدمك أن تخطو أكثر للداخل ، تخيل أن ترد يوميا عند الباب، تذهب وترد وتذهب وترد وتذهب في كل يوم، مع كل فرصة وعند كل أمل، تذهب لعلك جابهت ف انتصرت ، أو تخفيت فمررت

هنادي حلواني احدى هؤلاء المبعدات، سمعتها في لقاءات تتحدث عن مرات اعتقالها على يد الكلاب ليسألونها عن انتقائها الطبخات التي تقدمها للصائمات المرابطات أمام المسجد الأقصى، أسئلة مستفزة لا تشير الى شئ أكثر من كونهم يؤكدون على انهم لم يوقفوها أو يعتقلونها لسبب حددوه وانما فقط للقهر، لبث الاحباط في نفسها، لافقادها الصبر والجلد، ليهزأوا منها ويضيعوا وقتها، ربما لم يبكني شيء من ما قالت بقدر دبوس حجابها الذي منعوه عنها، ذلك الشئ الهين على صغره وقيمته عند امرأة محجبة، آلم صدري كثيرا ألما لا يمكنني وصفه مهما حاولت
الابعاد ظالم جداعلى كل الأصعدة والنفسية على وجه الخصوص ، تخيل أن تقام شعائر مدنسة  لا أصل لها في بيت ربك وتحرم أنت من دخوله، تخيل .. لا بل انظر 

↓

أما عن الجميع فمحرم علىهم الدخول من جميع  أبواب المسجد الأقصى، ف اذا كانوا يتيحون للبعض دونا عن الآخر نظرا للابعاد ، ف اذا رأيت هذا الفيديو ستعلم أن أبوابا بعينها فقط فتحت ، وأبوابا أخرى ستظل مغلقة إلى أن يشاء الله ببراءة من ذاك المرض ولفهم المقصد شاهد 

أصدق أو لا أصدق

 انك تكون مظلوم ده مش احساس وحش جدا لو انت من النوع ال عايش بمبادئ الطيبين ال من نوعية يا بخت من بات مظلوم وماباتش ظالم احساس ممكن تعيش معاه حاسس برضا على الاقل عن نفسك وخصوصا ان فيه كتير من الأمور ما ينفعش ابدا ابدا أبدا فيها قصاص ف بتكمِّل مظلوم للأبد على كراهة شعورك ده مهما امتد لان لايمكن هتاخد حقك ف تسيبه لله 

الناس الحالمين بتوع المدينة الفاضلة ال زي حالاتي بيستصعبوا التصديق بان وقع عليهم ظلم يعني هم متسقين مع فكرة انهم مظلومين بس مش مصدقين ان فيه ظلم ف الدنيا وقريب اوي كده وبيطولهم وده عكس قناعاتهم ال ربوا نفسهم عليها واللي معتنقين مبدأها وال بتقول ان الدنيا مش وحشة اوي كده وطالما فيها رحمة ومودة ولطف وصدق وتصديق وايمان و حب هتكون بتحاكي الجنة ومش وحشة كده 

يمكن عدم تصديقي بان ده حصل او بيحصل عادي  بيخليني يوماتي بعاني في محاولات التخفيف بالمنطق طالما الشعور رافض،  ف باتعامل بنظام نظريات الرياضيات بما أن و إذن، ف بما اني مصدقة اني مظلومة وفاهمة ده وواعية له اذن فيه ظلم في الدنيا  وعشان أكون مظلومة لازم يكون فيه ظلم وقع عليا اذن انا اتعرضت للظلم اه الظلم ال مالهوش اسباب هو اسم على مسمى شيء بيترمي في حجرك كده وتتفاجيء بيه "ظلم"   وباخدها واحدة واحدة كده  لعلني ييجي لحظة أصدق وأفهم ان ده بيحصل و حصل... ليا!

حقوق المرأة المفترسة

 متى أضحت المرأة بكل هذا الافتراس، لا أدري و لكني أتخيل الأمر برمته  لم يخرج عن كونها ضحية التجربة، ف الأعوام التي مرت عليها منذ قرن مضى لم تزدها الا يقيننا بأنها مظلومة فأضحت كفأر في مختبر تعرضه لكل عوامل الضغط الخارجية التي تهيئه نفسيا لأانه ضحية من ضحايا الظلم وأنه مسلوب الحق والارادة ومسلوب المقدرة وتطالبه بالثورة على واقعه المفروض والهتاف من أجل الحرية المنزوعة والفكاك من قيود العبودية ، واستمرت التجربة لأعوام حتى صدق الفأر الوهم وأيقن بأن الخط المرسوم حوله هو سور وانه مقيد وانه يجب أن يتحول لثور لينتزع حقه ويكسر الحائط الذي يمنعه عن الحرية وصار يضرب برأسه في اللاشئ حتى نمت قرونه وطالت أنيابه فأصبح مسخا بحجم الفأر وصوت الأسد  وهياج الثور من أجل شئ لم يسلبه قط!

اما ان تنضم لقطيع الثيران أو أنك منشق عويل محب للقهر مريض نفسي فأنتِ إما كارهة أو ذليلة، ولا مجال للراحة بيننا ، لا مجال للتناغم مع النفس، لا مجال للاختيار، لا مجال للحب، لا مجال للسكون، لا مجال ل اللطف، لا مجال للهدوء، هل نظمت النساء مطالبهن يوما ! يقلن لا من أجل اللا فقط .. لإن أصبحت الثورة هدفا لا وسيلة فان حصلن على ما أردن شعرن بأن نقص زاد  وهَم صار أعمق ، صرن يبكين من أجل راحة يلفظنها دون دراية، راحةَ أن يفعلن ما يردن دون هتاف وكأن الاضواء لم تسلط فوقهن يوما، وان العثرات هي عثرات طريق لا تتصيد الأقدام دونا عن الأخرى، وأن الانسان خلق من نفس الطين.. وهل حدث شيء غيرهذا أبدا!

وخلاصة الأمر أنه وبتجارب صغيرة أصبحت المرأة عدو نفسها، تنزع راحتها نضالا من أجل نفس الراحة وكأن الطريق هو الهدف ولا هدف خلف الطريق لأنه داخلهن، وصرن يبحثن عن مفاتيح قلوبهن والتي لم يوصدها ويتخلص منها غيرهن ! 

وليالي الحجر في فيينا

 في محاولة مني اني أتجاوز الفترة دي "الحجر الصحي" كمصابة ... تن تن تن تن تن تش💥

،قررت أخطط لمستقبلي اللي ب ايد ربنا يعني .. 😀

1_شريك حياتي

_لازم يكون اتصاب كرونا انا مش هرضى بأقل من مصاب ماعلش، لازم يكون متوافق معايا كشخصية كونت خبرة بالفيروسات وعارفة وفاهمة الحيل كلها وعارفة الدوا بيتاخد امتى وبنشرب له ايه والمضادات الحيوية واثارها الجانبية ولو مش مصاب يبقى مهتم بالطب "اوي اوي اوي"  

2_محل سكني 

_بما اني مش شامة حاجة وبالنسبة لي كل حاجة بريحة المناديل الورق ف عمالة اقنع نفسي بان انفي اتحولت لفلتر وده الهوا النضيف ال بيقولوا عليه  وبما اني كده كده مقررة من البوست ال فات اني هعيش في النرويج ف انا قررت أفصح عن المكان التاني ال مش هرضى بأقل منه  "ازربيجان" لنفس الطبيعة القمر ولسبب هييجي النقطة الجاية

3_غذائي

من المشروبات مثلا انا مبحبش اليانسون والناس كلها بتقول عنه انه عظيم من شوية عملت لنفسي يانسون وطلع بطعم المية السخنة المسكرة ف انا كمان فقدت حاسة التذوق دلوقتي .. مبرووك
وبما اني مش دايقة ف ممكن اتكلم عن الست المبهرة دي وبيت الست دي وحياة الست دي وبساطة الست دي ومش هرضى بأقل من حياة الست دي 

4_سلامي

من ساعة ما بدأت اتعب وانا بغني خدناها خدناها، خدناها بالسيف الماضي وابوها ماكانش راضي خدناها خدناها بس عضمي مفشفش لا يصح معه رقصة المسّاحات أبدا 

5_ردائي

بردان يا عم الحاج، حران يا عم الحاج ده حرفيا ال بيحصل معايا ببرد وانا متغطية بكل الأغطية الممكنة ولابسة كل الجواكت ال عندي وفجأة حرانة جدا 

6_نشاطي

بفكر اتشطر واتعلم اطلع سلالم كهربا لاني عضمي  عايز يقعدن على الطريق ويشتكي من كتر الفرهدة ال هو فيها هو وعضلاتي

7_وقتي

طويل اوي اول مرة احس ان الشتا طويل وخصوصا في النهارالوقت ساعات بيقف وانا بتقلِّب ، ف بفكر أستغل الوقت ده كله في اكتشاف وحدة قياس زمنية جديدة اسمها "التقليبة" ودي هتفيد العالم عموما والسلاحف على الأخص والحياة هتحلو من بعدها 

براضي نفسي بان حلو ان ده بيحصل في الشتا مش الصيف عشان يكون الجو خفيف على قلبي وبقنعني باني كالعادة هحب ايام عيايا  وبقاوم بده العياط من الالم 
وكل كل كل ال فات ده  محاولة عشان اقاوم العياط، فيه ايام بتسجنني غصب، الوقت ال نفسي يفوت طويل جدا والنوم فيه صعب وعضمي كله مدغدغ وروحي خايفة من الفشل ومافيش استمتاع بفصلان دماغي
ولو على العياط  من الالم ف ده هيكون اريح 

ملاحظة جانبية : من 4:14 فجرا ل 4:54 بتألم من الآثار الجانبية للمضاد الحيوي "زيسروسين" مع ألم هيستيري قاومته وانا بحاول انام وصحيت منه من ربع ساعة بصريخ .. اعتقد انه من النبل اني اقول ان ده حصل حتى ولو كنت بحاول أخبي عشان شخص واحد بس لو ما سبقلهوش واتصاب انه ما يخافش .. بس لو ياخد حذره يكون أحسن ولو ماياخدش الزيسروسين يكون احسن واحسن واحسن واتمنى للجميع الصحة والسلامة 

   3/6/ 2021

عبد الحليم

قررت اليوم أن أُسمع عبد الحليم الذي يختبئ خلف اللوحات التي صنعت من أجله وداخل التماثيل التي نحتت على صورته وأمام القلب الذي مازال ينتقيه دونا عن الجميع أغنتيه التي افضلها، قررت هذا دون أدنى رغبة في شئ سوى اسماعه ما أحب، أن يسمع صوته فربما لم يسمعه منذ كثير فكرت في هذا في مبادرة  لن يفهمها أحد ، أعلم أن أحدا لن يستوعب كيف أفكر في الجميع، كيف أبادرهم بما لا يخطر لهم على بال في اليقظة أو نائمين، في الحب  أو دونه، وحتى الأعداء.
لا أذهب  لهناك لبعد المكان  ولكني سأفعلها إن شاء الله من أجل حديث أكثر خصوصية  وربما سأسمعه "حدوتة البنت المخلصة والشباك"  في لقاء قريب.
لم أكتف اليوم بالحديث معه كتمثال أخضر كقلبه ، بل تمنيت أن يطول لقائنا لأخبره بمزيد من الأسرار الا انني اكتفيت في آخر اللقاء بتقديم بعض النصائح له والتي قد أنشرها في مكان آخر .

نبذة