خليك معانا سهران يا قمر

 قال لك لو كتبت على جوجل moon phase وكتبت تاريخ ميلادك يطلع لك شكل القمر، الفضول جابني لحاجة زي دي لعلي الاقيه محاق ف اختال اعجابا بنفسي واقول يوم ما اتولدتي البدر قال يا حسنها وراح مستخبي وسابني لطلتي البهية بس يا خسارة طلع نص بالظبط وكاتبين لي 50 % كده يعني ف ايه الحيرة دي وبعدين انا بصراحة كسلت امعن في التدوير فكانوا بيقولوا  الموضوع مرتبط بانت موقعك ايه من الأرض ،حسب مكانك بتعرف هيطلع لك اي نص ف انا خفت واتوترت واكتفيت بانه نصين نصه ضلمه ونصه نور  وخلاص 
انا محتاجة حد مش دجال ولا مدعي ولا بتاع ابراج .. يقول لي ايه دلالة هذا الموضوع عشان مش شاغلني أبدا أبدا 
آه بالحق مش انا غنيت اغنية لحد وعجبه صوتي ف عاش فاطمة عاش 
خلاص كده يا مصر  انا عايزة اسافر بلاد الخليج اغني في قاعات أفراح البنات المغلقة والبس فساتين قمر براحتي

شكرا