أطفال صغيرين يمكن أكبرهم 11 ولا 12 سنة كانوا بيحكوا النهارده قدامي عن ان أبوهم بيعاقبهم" مشوها بيعاقبهم" بالصعق بالكهرباء
"فين أمهم " ده السؤال اللي خفت اسأله ولأسف زي ما توقعتالأطفال دول يتامى
لو الاهالي يبطلوا يضغطوا على أولادهم في موضوع الجواز ده، ويسيبوهم لوقت ما ربنا يرزقهم مش كان يبقى أرحم
لو الأهالي يوفروا طاقتهم في تعليم عيالهم ازاي يختاروا ناس كويسين مش يبقى أرحم
لو الأهالي يساعدوا أولادهم ويختاروا معاهم الناس مش يبقى أرحم
لو الأهالي يعرفوا اولادهم ازاي يحفظوا مشاعرهم للي يستحقها مش يبقى ارحم
لو الأهالي يربوا عيالهم على الرحمة مش يبقى أرحم
لو الرحمة بقت شرط أساسي في الاختيار بعد الدين، هي والاحترام، وسعة الصدر، والمرح، ولين القلب، والرضا، والصبر، والهدوء، والحكمة، والمودة، لو العطف، والتؤدة، و الطاقة، والتجدد، كانوا كلهم من شروط اختيار الانسان او الانسانة اللي هيتعاش معاهم باقي الدنيا مش كان يبقى ده أحسن
يعني كان يجرى ايه لو فضل الناس ناس قلبهم سايقهم المسألة مش واحدة نفسها حلو في الأكل وواحد ما بيشربش سجاير فيه حاجات أبسط واهم من كده بكتيـــــــــــــــــــــــــــــــــــــــــــــــــــر
انا ماعرفتش أقول حاجة للعيال وهرتلت بأي كلام عن انهم ان شاء الله هيبقوا بخير وفي أحسن حال بلا أي جدوى
ليست هناك تعليقات:
إرسال تعليق