*اضحك الصورة تطلع حلوة
عزيزتي مصر، ازيك بجا ؟
" أخيرا اتصورت صورة حلوة لجهة حكومية "مش هقول ايه 😛"
في علاقة عكسية مريبة بين الضحك و رسمية الدولة
الاتنين دول يا اما بيكرهوا بعض عمى ولايمكن يجتمعوا ف مكان واحد، ياما متفقين عليا انا
انا ساعات باحس اني بهين البلد لو فكرت اضحك في صورة هتاخدها جهة حكومية في بلدنا ، في ايه يا جدعان مش كده
وده السبب المريع ال بسببه ما باتصورش، ماليش ذنب يا مصر ان انا شكلي كده اعمل لك ايه يعني
حطي نفسك مكاني ما انت زي امي بردو وان كنت بحسها شتيمة بس كنوع من المحلسة هقولها عشان تحسيي بيا يحس بيكِ ربنا
انا ياست مصر عندي مشكلة، اول ما الجدية بتتلبسني باتحول لشخص شكله كئيب اه والمصحف يعني جو اقفلي بقك "فمك" في الصور ده مش بتاعي ، ده غير اني ما بحبش اقفله في العادي ، وبعدين ياستي انا شخص محب للانبهار انت مالك انت
خنقتيني والله
تخيلي كده كمية المناقرة ال بناقرها للمصور ال المفروض هو ال يقول لي اضحكي الصورة تطلع حلوة ومابيقولهاش ثم اني مش فاهمة ليه اثبت شفايفي وخدودي على شكل معين بزاوية معينة وعيني في حتة معينة لما ببقى هتشل او آخد وضعية المبتسم طول العمر عشان ترضي، بخاف اثبت على كده حرام يعني التعذيب ده
ثم ان يعن...
من الاخر كده بصي، احنا علاقتنا بايظة اصلا من صورة البطاقة، مش هتبقى البطاقة وال... دي حاجات بتطوِّل ياماما .. فا ايه!
لمي الدور
ليست هناك تعليقات:
إرسال تعليق