كان ياما كان في سالف العصر والأوان
د. محمد سلامة قر في يوم ان دفعتنا مش دفعة سنة رابعة هي ال هيتصور معاها عشان تتعرض المحاضرة في تليفزيون قنوات النيل التعليمية
ورطة من ورطات الكون وحلت على دماغنا وفضلنا قاعدين ٤ساعات منشِّيين ونشبه تنابلة السلطان ال قاعدين متحفظين وخايفين نرمش لنطلع من رحمة القنوات الارضية، وبغض النظر عن اني ما شوفتش الحلقةالا اني لسة فاكرة زمايلي ال كانوا قاعدين جنبي لحد دلوقتي، وقد ايه كانوا بيحاولوا يرسموا نفسهم و يعدلوا هدومهم مباهين بالافتعال متشدقين بقولهم "حقي!"
ياللا هنروح من ربنا فين 😂
انك تظهر بصورة حلوة ده شئ كلنا بيسعى له، مافيش انسان عاقل في الكون ما يتمناش يظهر بأفضل صورة لكن في انواع من الاحسن صورة دول ألا وهم:
١_انك تظهر بأفضل صورة قدام الناس، بمعنى ان الناس تشوفك طول الوقت زي الكتاب ماقال ظاهريا مهندم، داخليا محتفظ بمشاعرك المتنوعة والمتفاوتة ومابتظهرش منهم الا افضل ما يمكن
٢_انك تظهر للناس بأفضل صورك، بمعنى ان في امكانيات ان ان الناس تشوف
الجوانب كلها مع الحفاظ على النسب الافضل ال تخليك أحسن من الكل بس مش الاحسن على الاطلاق
٣_انك تظهر الاحسن لكن ظاهريا بس زي الدهب القشرة، مع ملاحظة انكسهل ومكشوف للي بيعرفوا يفرقوا بين الحلو قيراط و الحلو ٢٤
ليست هناك تعليقات:
إرسال تعليق