شروق، غروب
زمان لما كنا في المدرسة كان في لعبة لطيفة كده بتلعبها معانا المعلمات_اه اسمها مُعلمة_لما تلاقينا هنجنا منها ف نص الحصة، ف تقول لنا افردوا ضهركوا وتقول شروق نفتح دراعاتنا و نرفعها لفوق، تقول غروب نغرب ونقفل دراعاتنا ف حضننا، وهكذا كام مرةلحد ما نتنشط
و على الرغم من ان كلمة غروب دي فيها نوم وكسل إلا ان الاتنين مع بعض كانوا فعلا بيفوقونا ..
لذلك ف اللي جاي عبارة عن لعبة شروق وغروب بس من واقع حياتي العزيزة
شروق: الحمد لله باشتغل كويس و بضمير ، باسمع كلام كويس عن أدائي ف الشغل
#غروب: امنية حياتي أسيب الشغل إن شاالله حتى عشان اربي صحة وروقان ..مش طايقاه و حاسة اني بضيع فيه وقتي ع الفاضي والمفروض وقتي ده اولى بالانجاز
نشاط : مش معنى اني كارهاه اني هطنش او ههمل بالعكس اهتمامي بالانجاز بيحفزني اخفف حمولي ف أوقات قياسية
_٢_
غروب: شوفت بنت باعتة سؤال لبنت متدينة بتقول لها انها عايزة تسيب خطيبها عشان قال لها بحبك اكتر من مرة وده مش المفروض انه يحصل ف فترة الخطوبة يعني وده شيئ كش خلاقي فكان الرد هدديه بالانفصال فإن مااهتداش وبطَّل انفصلي لو مش هتكتبوا كتابكوا بسرعة يعني
وبصراحة اتضايقت من الاتنين و قعدت اقول لهم ف البيت انهم بيأڤوروا و انا اتفرست وبتاع
شروق: لكن لما هديت كده وركزت ف تصرفاتي لقيتني ببساطة عملت حاجات كتيرة مشابهة وممكن تكون ظاهريًا أحمق كثيرا من وجهة نظر الآخرين
نشاط: درس صغيور اتعلمته بيقول اني المفروض مااحكمش على نفسي كمان مش بس مااحكمش على الناس و الحكم ده لايكون بخير ولابشر
_٣_
غروب : بقى لي من شهر ٢ماكتبتش قصيدة واحدة، عقلي متحجر، حاسة ان مجرى الشعر عندي جف
شروق : بكتب حواديت لسه
نشاط : وفي السماء رزقكم وما توعدون
زمان لما كنا في المدرسة كان في لعبة لطيفة كده بتلعبها معانا المعلمات_اه اسمها مُعلمة_لما تلاقينا هنجنا منها ف نص الحصة، ف تقول لنا افردوا ضهركوا وتقول شروق نفتح دراعاتنا و نرفعها لفوق، تقول غروب نغرب ونقفل دراعاتنا ف حضننا، وهكذا كام مرةلحد ما نتنشط
و على الرغم من ان كلمة غروب دي فيها نوم وكسل إلا ان الاتنين مع بعض كانوا فعلا بيفوقونا ..
لذلك ف اللي جاي عبارة عن لعبة شروق وغروب بس من واقع حياتي العزيزة
شروق: الحمد لله باشتغل كويس و بضمير ، باسمع كلام كويس عن أدائي ف الشغل
#غروب: امنية حياتي أسيب الشغل إن شاالله حتى عشان اربي صحة وروقان ..مش طايقاه و حاسة اني بضيع فيه وقتي ع الفاضي والمفروض وقتي ده اولى بالانجاز
نشاط : مش معنى اني كارهاه اني هطنش او ههمل بالعكس اهتمامي بالانجاز بيحفزني اخفف حمولي ف أوقات قياسية
_٢_
غروب: شوفت بنت باعتة سؤال لبنت متدينة بتقول لها انها عايزة تسيب خطيبها عشان قال لها بحبك اكتر من مرة وده مش المفروض انه يحصل ف فترة الخطوبة يعني وده شيئ كش خلاقي فكان الرد هدديه بالانفصال فإن مااهتداش وبطَّل انفصلي لو مش هتكتبوا كتابكوا بسرعة يعني
وبصراحة اتضايقت من الاتنين و قعدت اقول لهم ف البيت انهم بيأڤوروا و انا اتفرست وبتاع
شروق: لكن لما هديت كده وركزت ف تصرفاتي لقيتني ببساطة عملت حاجات كتيرة مشابهة وممكن تكون ظاهريًا أحمق كثيرا من وجهة نظر الآخرين
نشاط: درس صغيور اتعلمته بيقول اني المفروض مااحكمش على نفسي كمان مش بس مااحكمش على الناس و الحكم ده لايكون بخير ولابشر
_٣_
غروب : بقى لي من شهر ٢ماكتبتش قصيدة واحدة، عقلي متحجر، حاسة ان مجرى الشعر عندي جف
شروق : بكتب حواديت لسه
نشاط : وفي السماء رزقكم وما توعدون
ليست هناك تعليقات:
إرسال تعليق