امبارح عملت كيكة
طب والله دي مش يتقال لي عليها تسلم ايدك، دي تتباس فيها ايدي اللهم بارك يعني والف هنا و شفا على قلب كل اللي اكل منها بس انا محتاجة شهادة تقدير بالحجم الكبير
قرأت تفسير من كتاب التفسير اللي بحبه اسمه المختصر في تفسير القرآن، هو مصحف ومعاه تفسير مش معتمد على شرح الكلمات، لكن مخلي التفسير تابع لسياق الاحداث ولتوالي الآيات و التفسير ده بينور حاجات كده في المخ يعني انت وانت بتقرأ بتقول انا عمري ما كنت هربط الربط ده بين الآيات رغم انه فعليا مختصر، بس المختصر المفيد اللي تقدر لو حبيت تتعمق فلسفيا "مثلا" في المعاني سواءا بالتأمل او بالبحث تكون لقيت وجهتك بسهولة ولقيت مفاتيح البحث اللي تسهل لك التفكير او الاستنتاج
شربت عرق سوس انا فاطمة شربت عرق سوس، ما هذا!
انا لا أصدق بقى انا اللي ما بحبش التمر الهندي بقيت اشرب عرق سوس، لأ وايه خففته وتلجته وبقى تحفة التحفة التحفة، ومش كده بس ده انا حاطاه باشرب منه بدل المياه..لانه متلج اولا ثانيا عشان قالوا انه حلو للضغط الواطي يعني ..لأ وخد عندك جبت فول سوداني و أكلته وانا عمري ما اكلت ٣ فولات سودانيات على بعض في قعدة واحدة .. لأ انا حقيقي باتغير ومش قادرة أصدقني وهايفة من تابعيات التهور
كفاية كده حاجات لطيفة في الحر ده احسن المدونة تبرد مني ، ممكن ابقى كل فترة آجي اكيف لكم الجو بمغامراتي الجديدة 💦🛀🧖♀️🏂🏄♀️🌬️❄️🌨️
ليست هناك تعليقات:
إرسال تعليق