لان فضلها
تكفير الذنوب:
قال النبي ﷺ: "صِيَامُ يَوْمِ عَاشُورَاءَ، أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ"
والمقصود بتكفير الذنوب هنا هو (الكبائر والصغائر معًا عند بعض العلماء، أو تكفير الصغائر فقط عند جمهور العلماء وتتطلب الكبائر توبة خاصة).
ف لو فيه
اعمال مؤجلة بقى صدقة اطعام او ورد من القرآن أي عمل صالح اي خطوة فيها خير ممكن يكون يوم عاشوراء يوم مثالي ليها كخطوة وبداية مميزة وكمان ثواب أكبر وأعظم و أعمق
والأهم كليا النية ..نستحضر نية كل عمل ونسأل ربنا السداد والتوفيق و ربنا يرزقنا من حيث لا نحتسب
سمعت كمان النهارده ان التوسعة على النفس و الأهل سنة من سنن عاشوراء اللي الانسان مش بس بيثاب عليها في الآخرة لأ ده كمان في الدنيا ربنا بيوسعها عليه
وسبحان الله انا بحس ان جعل التوسعة سنة من السنن ما هو الا رحمة من رحمات سيدنا محمد
واللي بناءا عليها الناس بتتبعه ف بتتآلف القلوب اكتر
فكأن سيدنا محمد اعطى الناس مفتاح الزامي للدخول من بوابة من البوابات السعادة الحقيقية
واصلا استخدام لقظة زي التوسعة بتدي متنفس اكبر للحياة حاجة فيها نفس راضي لا مكتوم ولا ضيق ولا فيه امكانية انه يتسلل معاه اي شعور بالضيق
وكده كده مهما كانت همومك ف مجرد ما بتدخل وسط ناس مبسوطة و وهي بترضي ربنا بتلاقي نفسك انت كمان بترضى وتتبسط و تحس ان الموضوع بسيط و مش مستاهل اكتر من انك تخطي خطوة بسيطة حرفيا
أقول قولي هذا واستغفر الله العظيم لي ولكم
§ وصحيح قبل ما نسي
اللي ما صامش تاسوعاء (النهارده) يقدر يصوم اليوم الحادي عشر
مع عاشوراء عشان يكون خالف اليهود زي ما سيدنا محمد نوى انه يعمل
قد يتساءل الانسان هو انا ليه حاطة صورة سنابل قمح هل ده اشارة لعاشوراء كطبق حلو بيتعمل من القمح البليلة واللبن و السكر في يوم عاشوراء ف احب اقول ان( لأ ) والله صدفة
بس دي فكرة كويسة بردو والله
ليست هناك تعليقات:
إرسال تعليق