انا بحب التوقيت الصيفي ده بشكل لا يوصف 🙈 يعني مثلا لو انت عايز تعمل اي حاجه قدامك نهار طويل جدا وبتعمل فيه كل اللي انت عايزه قبل الظهر الدنيا واسعه بعد الظهر لحد العصر عملاقه من المغرب او من العصر يعني المغرب تمام بس اول ما العشاء بتاذن هوب خلاص كده اليوم خلص فانا انا مش فاهمه بقى يعني يعني هل الانسان طماع وعايز يوم 48 ساعه عشان يبقى مبسوط ولا ونحمد ربنا يعني على كده ولا في خلل في الموضوع بس انا مش متخيله ابدا ان احنا دلوقتي العشاء بتتصلى والساعه 10:00 بالليل
يعني يعني فين المسلسل بتاع زمان على القناة الأولى اللي كان بياذن علينا العشاء واحنا بنتفرج عليه وفين حديث الروح و الشيخ محمد سيد طنطاوي اللي كنا بنتفرج عليه بعدها وبعدين نقفل التلفزيون نحل باقي الواجب ولا نكمل مذاكره وبعد كده نرجع تاني نفتح ونسمع الاخبار واحنا خلاص بننام ونبقى فاضل لنا مثلا ساعتين ولسه ما جتش الساعه مثلا 12:00 انا مش فاهمه هو اليوم انسرق مننا بقى ولا احنا اللي كبرنا ولا ايه اللي حصل بالضبط
عموما ربنا يبارك في اعمارنا ويحسن اعمالنا
ليست هناك تعليقات:
إرسال تعليق