ماعرفش بس انا مش بحس اني باستبيح اني اتكلم عنه، لانه في حد ذاته خطوة من الخطوات اللي بسببها الحياة بتتغير بشكل كلي، ف الكلام الكتير عن شيء انا ماخطتش فيه اي خطوة قبل كده، و كمان هو جزء من علم الغيب+ امنياتي بحياة جميلة بيمنعوني اني اتكلم عنه حفاظا على قدسية الاحلام الحقيقية نفسها
مش بس لاني بنت و بشكل ما صعيدية يعني
لكن
حبيت أدلي بدلوي في حوار اثارته صديقتي العزيزة و كتبت رأيي على فيس بوك في شيء يخص الزواج و راضية عن هذا الرأي بعد ما كتبته
و البوست كان بيتكلم عن اسباب تأخر سن الزواج عند الإناث و صديقتي تركت مساحة للناس تتكلم عن آرائها
و الحمد لله اني كتبت لها رأيي لان حسيت ان الناس متحاملين جدا على البنت و بيثبتوا نفسهم شماتة فيها
وحولوا مسألة تأخر سن الزواج من حقيقة انه ظاهرة قد تكون ذات اسباب اجتماعية، او فكرية، او حتى نفسية الى شماتة معلنة وكأن دي مصيبة حصلت و لا وصمة وصابت البنات و يستاهلوا كل اللي يجرى لهم و الحمد لله
صحيح انا مش مصدقة ان الناس بتتعامل و بتفكر كده واحنا في زمن فيه الناس اكثر انفتاحا على افكار بعض
بس لما فكرت حسيت طيب ما ده الطبيعي ان فعلا سن الزواج يتأخر يعني لو ده بوست والناس بتفكر بالعقلية دي طيب ما طبيعي البنات تخاف و تهرب او على الاقل تصبر لحد ما ربنا يكرمهم بناس تانية بيفكروا بطرق ألطف و أكثر نضجا و أعقل من كده
و الأهم من ده كله الرحمة، هي الناس دي ليه مش رحيمة خالص بالشكل ده او ما بتحبش او ما بتعرفش تحب الدنيا باللي فيها
او ان عقلهم و تفكيرهم واقف عند خناقات الطفولة بتاعة:
البنات البنات صراصير البلاعات
و الصبيان الصبيان الطف الكائنات
و ده تفسيري الوحيد بقى
ملاحظة أخيرة
كتير أوي بحب نفسي لما باتكلم
لاني باتكلم عن الواقع برحمةوحب و الحمد لله
ليست هناك تعليقات:
إرسال تعليق